SHKODER
Policia e Shkodrës ka arrestuar një punonjës policie në Malesinë e Madhe, pasi dyshohet se ka ngacmuar seksualisht një të mitur 15-vjeçare.
Mësohet se në pranga ka përfunduar specialisti i policimit në komunitet në zonën Grumiere të Malësisë se Madhe, Berhan Bajrakurti.
“Ne Shkodër është arrestuar menjëherë punonjësi i policisë qe eshte shfaqur ne videon e publikuar ne media. Për pak info të plotë”- thuhet në një reagim të shkurtër nga policia.
Denoncimi për punonjësin e policisë është bërë nga nëna e 15-vjeçares, e cila ka thënë se shefi i policisë e ka marrë në makinë vajzën dhe ka kryer akte të turpshme.
Gjithashtu ai e ka telefonuar vajzën dhe ka kryer biseda erotike përmes telefonit. Në media u publikua një video, ku polici shfaqej i zhveshur duke komunikuar me videokamer me 15-vjeçaren.
(d.d/BalkanWeb)
