Ministria për Punë të Brendshme (MPB) përmes buletinit ditor njofton rreth ngjarjes që tronditi Shkupin mbrëmë, me ç’rast një grua dhe një fëmijë ranë nga lartësia.
Gruaja e moshuar vdiq nga lëndimet kurse fëmija është në spital. Nuk dihet ende shkaqet se si erdhi deri tek incidenti.
„Më 03.12.2024, në orën 19:40, në Sektorin e Punëve të Brendshme të Shkupit u raportua se dy persona kishin rënë nga një ndërtesë në territorin e Kisella Vodës. Policia ka dalë në vendin e ngjarjes dhe është konstatuar se gruaja D.S. (69) nga Shkupi ka vdekur nga lëndimet që ka marrë në vendin e ngjarjes, ndërsa një fëmijë 9-vjeçar nga Shkupi ka pësuar lëndime dhe është transportuar në kompleksin klinik „Nëna Tereza“ për ndihmë mjekësore. Po merren masa për zbardhjen e rastit“ – thuhet në njoftimin e Ministrisë së Punëve të Brendshme.
