Presidentja e Komisionit Evropian Ursula von der Leyen ka komentuar   vendimin e  presidentit amerikan Donald Trump për të “ngrirë” tarifat hakmarrëse që ai kishte vendosur ndaj shumicës së partnerëve tregtarë amerikanë  duke deklaruar se është një hap i rëndësishëm drejt stabilizimit të ekonomisë globale.

“Kushtet e qarta dhe të parashikueshme janë thelbësore për funksionimin e zinxhirëve të tregtisë dhe furnizimit,” tha von der Leyen në një postim në X, duke nënvizuar se BE-ja mbetet e përkushtuar ndaj negociatave konstruktive me SHBA- në me synimin për të arritur “tregti reciproke të dobishme dhe pa fërkime”.

Siç shpjegoi kryetarja e Komisionit tarifat janë taksa që dëmtojnë vetëm bizneset dhe konsumatorët.

“Kjo është arsyeja pse unë jam fuqimisht në favor të një marrëveshjeje me tarifa zero midis BE-së dhe SHBA-së”, theksoi ajo

Sipas saj Evropa po rrit gjithashtu përpjekjet për të hequr pengesat ndaj tregut të vetëm.

“Kjo krizë e ka bërë të qartë një gjë: në kohë të pasigurta, tregu i vetëm është spiranca jonë e stabilitetit dhe elasticitetit”. shtoi  Von der Leyen

Javën e kaluar Trump njoftoi vendosjen e tarifave shtesë prej 20% për importet e produkteve nga BE.

Megjithatë njoftimi i presidentit amerikan nuk adreson tarifat që administrata e tij ka vendosur tashmë për importet e makinave, aluminit dhe çelikut. Vendet anëtare të BE-së miratuan dje kundërmasat e para ndaj këtyre tarifave, të cilat do të hyjnë në fuqi javën e ardhshme.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: