Presidenti i Shqipërisë, Bujar Nishani, u ka bërë thirrje një ditë më parë deputetëve të Kosovës që ta votojnë paketën ligjore që krijon bazën për themelimin e Gjykatës Speciale, e cila do t’i trajtojë krimet që pretendohet t’i kenë kryer pjesëtarë të Ushtrisë Çlirimtare të Kosovës.

Në një intervistë ekskluzive për “Kohën Ditore” ai ka thënë se nuk ka tjetër alternativë.

Kreu i shtetit shqiptar ka folur edhe për Specialen, krahas shumë temave të tjera, përfshirë ngjarjet në Kumanovë, rolin që luan faktori shqiptar në rajon dhe marrëdhëniet Shqipëri – Kosovë.

“Për sa kohë ka një kërkesë nga komuniteti ndërkombëtar që pretendime të caktuara për raste të caktuara, për individë të caktuar, kërkojnë të hetohen dhe të gjykohen për të vërtetuar fajësinë apo pafajësinë e tyre, unë besoj që nuk ka nevojë për një dilemë dhe nuk a alternativë, përveçse për ta krijuar këtë mekanizëm dhe për t’u dhënë mundësinë të gjitha pretendimeve të ngritura për t’u hetuar dhe për t’u vërtetuar se sa ato qëndrojnë apo nuk qëndrojnë”, ka thënë presidenti Nishani.

(el.sp/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: