Ndërsa situata është tensionuar në protestën e opozitës së bashkuar, kryeministri Edi Rama duket se po përballet me një tjetër ‘protestë’ në profilin e tij në facebook, ku nuk ua ka kursyer përgjigjet replikuesve të tij.
Një prej tyre kritikon qëndrimin e kryeministrit për t’u larguar nga Tirana ndërsa opozita proteston.
“Një burrë shteti duhet të rri në fronin e tij, tregon që s’je njeriu duhur.”- i shkruan një prej komentuesve, ndërsa në përgjigje Rama i shkruan se sot jetojmë në kohën e punës e jo të froneve.
Një tjetër komentues e quan kryeministrin si iniciator të përcarjes së Kosovës, por për Rama shkruan se ndërsa lexon fjalë të tilla s’ ka se si mos kujtojë shprehjen se cdo pyll ka derrat e vet, cdo vend ka veshegjatet e vet.
Më poshtë disa nga replikat e kryeministrit me ndjekësit e tij në facebook
(BalkanWeb)
