TIRANE

Një ditë pas Asamblesë Kombëtare të Partisë Socialiste, ashtu si në cdo fund sezoni kryeministri Edi Rama mblodhi sot në një takim edhe ministrat e kabinetit.


Rama mblodhi sot në ambjentet e Pallatit të Brigadave, ministra e zv/ministra të kabinetit qeveritar, takim të cilin Rama duket e ka kthyer në traditë në prag të pushimeve verore. Të pranishëm në këtë takim ishin gjithashtu edhe kreu i Grupit Parlamentar, Taulant Balla si edhe kryeparlamentari Gramoz Ruçi.


Në Asamblenë Kombëtare të PS-së, Rama kaloi në skanër procesin zgjedhor të 30 qershorit, që sipas tij arriti kulmin e përplasjeve politike në vend. Edhe pse zgjedhjet kaluan paqësisht, Rama tha se plaga mbetet ende e hapur.


Një urdhër Rama ua drejtoi deputetëve. Të gjithë të zbresin në bazë e të komunikojnë me njerëzit. Në të kundërtën tha se nuk do jenë pjesë e planeve të PS për 2021, duke shprehur kështu vendosmërinë për të çuar deri në fund mandatin e tij qeverisës.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb