Pas nëntë muajsh në hapësirë, astronautët e NASA-s Butch Wilmore dhe Sunny Williams janë kthyer më në fund në Tokë.
Kapsula SpaceX bëri një rihyrje të shpejtë në atmosferën e Tokës, përpara se katër parashuta të vendoseshin për t’i çuar ato në bregjet e Floridës.
Menjëherë pas uljes në Gjirin e Meksikës të kapsulës Dragon që mbante 4 astronautë, një grup delfinësh rrethuan anijen kozmike SpaceX.
Midis pasagjerëve të kapsulës që patën këtë pritje të pazakontë ishin Butch Wilmore dhe Sunny Williams, astronautët amerikanë që më në fund u kthyen në Tokë pasi kaluan nëntë muaj në Stacionin Ndërkombëtar të Hapësirës (ISS), në vend të tetë ditëve që ishte planifikuar të zgjaste qëndrimi i tyre!
A pod of dolphins circled the NASA astronauts' capsule after it successfully splashed down off the coast of Florida. https://t.co/iB1CdehppB pic.twitter.com/OZHhZCIe5r
— ABC News (@ABC) March 18, 2025
Kapsula që më në fund i solli ata, së bashku me astronautin amerikan Nick Hague dhe kozmonautin rus Alexander Gorbunov, prekën brigjet e Floridës pak para orës 18:00 të së martës (me orën lokale) rreth mesnatës me orën tonë).
Astronauts who were stuck in space for nine months splashing down in the Gulf of America and immediately being surrounded by a pack of dolphins is one of the coolest things I’ve ever seen.
pic.twitter.com/XqKauJtFzh— Greg Price (@greg_price11) March 18, 2025
Kur ata hipën në anijen kozmike, katër astronautët nuk e kishin idenë se një komitet detar mikpritës i delfinëve të lezetshëm do t’i priste në vendin e tyre të uljes.
PROMISE MADE, PROMISE KEPT: President Trump pledged to rescue the astronauts stranded in space for nine months.
Today, they safely splashed down in the Gulf of America, thanks to @ElonMusk, @SpaceX, and @NASA! pic.twitter.com/r01hVWAC8S
— The White House (@WhiteHouse) March 18, 2025
Prania e tyre e papritur u komentua nga Kate Tice, kreu i departamentit të inxhinierisë së sistemeve të cilësisë, i cili po fliste në atë kohë në transmetimin e drejtpërdrejtë të SpaceX.
“Në ekranin tuaj shihni delfinët, të cilët duan t’i afrohen Dragonit për të luajtur me të,” dëgjohet duke thënë Tice, pak pasi pa delfinët të shfaqen rreth kapsulës.
Delfinët – rreth gjashtë në numër – mbetën përreth zonës për disa minuta ndërsa ekuipazhi i rikuperimit të SpaceX kontrolloi zonën për tym të rrezikshëm dhe u përgatit për të transportuar anijen kozmike në një maune.
Nëntë muaj në hapësirë
Wilmore dhe Williams mbërritën në ISS në qershor, me anijen kozmike Starliner të Boeing. Ata duhej të qëndronin atje për tetë ditë, por problemet teknike e detyruan agjencinë amerikane të hapësirës të ndryshonte planet e saj.
Problemet teknike të Starliner detyruan NASA-n t’i drejtohej kompanisë SpaceX të Elon Musk. Në fund të shtatorit, NASA dhe SpaceX dërguan dy astronautë në hapësirë në vend të katër, siç ishte planifikuar fillimisht, në mënyrë që të linin vende të lira për Wilmore dhe Williams në udhëtimin e kthimit.
Këta të fundit prisnin ndryshimin e radhës të ekuipazhit në Stacionin Ndërkombëtar të Hapësirës, i cili fillimisht ishte planifikuar për në shkurt dhe më pas u shty për në mes të marsit, në mënyrë që të largoheshin nga laboratori hapësinor.
