TIRANE
Kryetarja e LSI-së, Monika Kryemadhi menjëherë pas takimit informal me ambasadorët e BE-së, ka zbuluar edhe detajet. Në një prononcim për mediat, Kryemadhi tha se LSI ndau ‘opinionet me institucionet ndërkombëtare në lidhje me qëndrimin e hapjes së negociatave’.
“Ky eshtë takimi i dytë që bëjmë, e bëjmë të përvitshëm jo vetëm me ambasadorët e BE por edhe me përfaqësues të Ambasadës së SHBA, si dy institucione që janë partnerë strategjikë të Shqipërisë.
LSI ndau opinionet me institucionet ndërkombëtare sa i përket qëndrimit për hapjen e negociatave dhe reformat me të cilat duhet të ecim më shpejt. Sot Shqipëria më shumë se kurrë është shumë vonë në procesin e integrimit europian dhe e ardhmja e Shqipërisë nuk ka asnjë drejtim tjetër”- tha ajo.
Ndërkohë Kryemadhi vijoi me sulmet e saj ndaj ministres së Drejtësisë, Etilda Gjonaj. Kryetarja e LSI-së u shpreh që ajo s’duhet të marri pozicionin e virgjëreshës. ‘Ne nuk e shantazhojmë Etilda Gjonaj, por ajo nuk duhet të marri pozicionin e virgjëreshës pasi i dimë shumë mirë pozicionet e saj. Nëse një shqiptar duhet të presë me muaj bashkëshorti i saj u kthye brenda një jave’, deklaroi Kryemadhi.
10: 58- Një javë para protestës së paralajmëruar të opozitës së bashkuar, kryetarja e LSI-së, Monika Kryemadhi zhvillon një takim informal me ambasadorët e BE-së në Tiranë.
Burime për ‘BalkanWeb’ zbulojnë se Kryemadhi eshte takuar për një kafe mëngjesi me ambasadorët e BE-së.
Ende nuk dihet arsyeja e takimit, por me gjasë çështja kryesore mund të jetë protesta e organizuar nga opozita më 16 shkurt. Kujtojmë që opozita ka paralajmëruar protesta masive, ku nuk kanë munguar thirrjet për rrëzimin e kryeministrit Edi Rama.
(BalkanWeb)