Një kompani ajrore meksikane propozon bileta avioni për vetëm një dollarë për personat pa dokumenta, me origjinë nga Amerika Qendrore dhe që duan të kthehen në vendin e tyre, ndërkohë që Meksika po shfaq vështirësi për të përballuar fluksin e migrantëve.

Programi ‘’Bashkoni familjet’’ i njoftuar dje nga kompania Volaris ka për qëllim të ndihmojë për riatdhesimin e migrantëve nga Kosta Rika, Salvadori dhe Guatemala.

Kjo ofertë është e vlefshme deri më 30 qershor për migrantët pa dokumenta për t’u nisur nga aeroportet e Tijuana dhe Ciudad Juarez (të dy pranë kufirit me SHBA-në ) si dhe Guadalajara dhe Meksiko.

Ata që duan të përfitojnë nga kjo ofertë duhet të jenë në gadishmëri për të përfituar vendin e parë që do të lirohet, dhe çmimi nuk përfshin taksat e aeroportit, që mund të arrijnë deri në 45 dollarë në aeroportin e Meksikos, për fluturimet ndërkombëtare.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb