Një ngjyrosje e zakonshme ushqimore ka vetinë të thithë shumë dritë, duke e bërë lëkurën e një miu të gjallë përkohësisht transparente, shkruan il mesaggero.it.

Në eksperimentin e kryer u bë e mundur të bëheshin të dukshme enët e gjakut të kokës, lëvizja e organeve të vendosura nën lëkurën e barkut dhe njësitë e vogla kontraktuese të muskujve në punë.

Botuar në revistën ‘Science’ nga grupi i Universitetit të Stanfordit të udhëhequr nga Zihao Ou, ky rezultat hap rrugën për mundësinë e zbulimit të imazheve të organeve të brendshme në qeniet e gjalla në një mënyrë më pak invazive dhe më të thjeshtë.

Ngjyra e përdorur quhet ”tartrazine”, është e verdhë dhe zakonisht shtohet në pije të gazuara, ëmbëlsira, akullore, çamçakëz dhe reçel, si dhe në kapsulat e disa barnave.

Boja e testuar në Stanford është në gjendje të modifikojë indeksin e thyerjes së pjesëve ujore të indeve, duke thithur dritën në rajonet afër ultravjollcës dhe blusë së spektrit.

Në këtë mënyrë, pjesa e spektrit që nuk thith dritën, pra pjesa e kuqe-portokalli, transmetohet më thellë përmes indit. Rezultati është një efekt i përkohshëm transparence, i cili mund të anulohet me një larje të shpejtë dhe nuk dëmton kafshët e gjalla.