Norvegjia do të ndajë 100 milionë korona norvegjeze (rreth 8.7 milionë euro) për të vazhduar programin e evakuimit mjekësor për ukrainasit e prekur nga lufta, tha kryeministri norvegjez Jonas Gahr Støre.
Ai vuri në dukje se fondet do të përdoren për evakuimin e individëve të plagosur rëndë për trajtim në Evropë.
“Është shumë e rëndësishme që të evakuohen disa nga të plagosurit rëndë për trajtim. Ne kemi një avion dhe ekuipazh për të kryer këtë punë,” tha ai.
Ai vuri në dukje se është në Nju Jork për javën vjetore të OKB-së, ku planifikon të diskutojë këtë iniciativë me partnerët ndërkombëtarë, përfshirë presidentin ukrainas Volodymyr Zelensky.
Støre tha se deri më sot, 1,931 njerëz, shumë prej të cilëve vuajnë nga kanceri kanë marrë lëndime të rënda gjatë luftës, duke përfshirë djegie dhe fraktura të gjymtyrëve, janë evakuuar në vendet evropiane. Në Norvegji janë trajtuar rreth 400 pacientë. Programi i evakuimit mjekësor filloi në gusht 2022. Të plagosurit transportohen me një avion SAS të konvertuar.
Fillimisht, marrëveshja mes Norvegjisë dhe BE-së ishte e vlefshme deri në nëntor, por tani ajo është shtyrë deri në prill të vitit të ardhshëm.
(A.A/BalkanWeb)
