Qeveria norvegjeze po planifikon të ndihmojë në forcimin e aftësive të Marinës së Ukrainës.

Kështu deklaroi ministri norvegjez i mbrojtjes Bjørn Arild Gram në Odesa në një konferencë të përbashkët me ministrin ukrainas të Mbrojtjes Rustem Umerov.

Ai vuri në dukje se Norvegjia dhe Ukraina janë shtete detare dhe për këtë arsye Norvegjia është zotuar të jetë në koalicion detar me Mbretërinë e Bashkuar.

“Jam i impresionuar me përparimin e marinës ukrainase, e cila ka larguar flotën ruse. Sot, ne diskutuam mënyrat për të përshpejtuar më tej këtë përparim. Kjo përfshin trajnimin e ushtrisë, sigurimin e varkave të vogla dhe investimet”, tha ministri norvegjez.

Mbretëria e Bashkuar do të ndajë 120 milionë paund shtesë (rreth 155 milionë dollarë) për të mbështetur Koalicionin e Kapaciteteve të Sigurisë Detare për Ukrainën.

(A.A/BalkanWeb)