ASAP Rocky dhe Rihanna e kanë të qartë si do të prindërojnë me fëmijët e tyre.

Reperi amerikan insiston se ata do të kenë një fëmijëri normale pavarësisht famës që posedojnë.

Kur një gazetar tha se fëmijët e tyre nuk do të kenë një fëmijëri të njëjtë sikurse të tyren, ASAP Rocky e kundërshtoi fuqishëm.

“Fëmijët tuaj me siguri nuk do të kenë fëmijëri të njëjtë sikurse e keni pasur ju. Fëmijët tuaj nuk do të mund të dalin në dyqan, pasi do të njihen si fëmijët e Rihanna-s dhe ASAP Rocky”, i tha gazetari reperit amerikan.

Megjithatë, ASAP Rocky nuk hezitoi të thoshte që fëmijët e tij dhe të Rihanna-s do të kenë një fëmijëri normale.

“Normalisht që do të kenë fëmijëri të njëjtë. Edhe ata janë qenie njerëzore. Më lejo ta tregoj një video të RZA”, i ktheu ai reporterit.