Ernesto Valverde do të jetë trajneri i Barcelonës edhe sezonin e ardhshëm. Konfirmimi për këtë vjen nga presidenti I klubit katalunjas, Josep Maria Bartomeu. Ky i fundit ka ndërhyrë në mënyrën më bindëse për të larguar të gjitha dyshimet që rrethojnë teknikun javët e fundit. Valverde drejtoi Lionel Messi dhe shokët e tij drejt mbrojtjes së titullit kampion në Spanjë, por tifozët “blaugrana” e kanë ende të freskët eliminimin dramatik në gjysmëfinalet e Ligës së Kampioneve.

Barcelona kishte fituar 3-0 në sfidën e parë në “Camp Nou”, por jetoi përmbysjen historike 4-0 në transfertën kundër Liverpool. Për këtë dështim, pjesa më e madhe e fajita iu faturua Ernesto Valverdes, ndërsa edhe mediat spanjolle, sidomos ato katalunjase nuk u treguan aspak të buta me kritikat e tyre. “Ky trajner nuk ka eksperiencën e e duhur për të fituar Champions”, ishte pak a shumë ideja e përgjithshme e shprehur nga mediat iberike mëngjesin pas humbjes dhe eliminimit të rëndë nga turneu më i rëndësishëm I futbollit europian për klube.

Por Bartomeu ka një tjetër mendim. “Ernesto ka besimin tim dhe të gjithë drejtusëve të tjerë të klubit. Jemi të kënaqur me punën e tij, pasi projekti i nisur është afatgjatë”, ka thënë numri një i klubit “blaugrana” që konfirmon në këtë mënyrë Valverden në pankinën e Barcelonës.
(balkanweb)