Në një bashkëbisedim me qytetarët, kreu i Partisë Demokratike Sali Berisha u shpreh se ministrja e Infrastrukturës Belinda Balluk, gënjen qytetarët në Kuvend kur deklaron se ndërtimi i Unazës së Tiranës do të përfundojë brenda vitit.
Berisha shtoi se nuk ka hajdutëri më të madhe se sa një rrugë e cila është e gjatë vetëm 13 kilometra, të ndahet në 14 kontrata.
“Çfarë bën sot lubi Balluku, tejkalon çdo lloj imagjinate. Unaza e Tiranës, që ka filluar në 2010 dhe është 27 km, në një hark kohor 3-vjeçar kemi ndërtuar 20 km tunele, kjo 27 km pa asnjë tunel, në terren të butë, pa asnjë shkëmb. Këtë vit ka arritur që të ndërtohet vetëm gjysma e unazës dhe del lubia në Parlament, e mashtron shqiptarët ‘do ta përfundojmë brenda këtij viti’. Gënjeshtra, çfarë ka bërë, e copëtoi në 14 kontrata. Një rrugë 13 km të ndahet në 14 kontrata, s’ka hajdut më të shpërfytyruar se këta, ajo ulet në tryezë në biftek 1000 euro, sepse nuk mund ta ketë biftekun nën 1000 euro lubia”, deklaroi kryedemokrati.
(BalkanWeb)
