TIRANË- Kandidati i ASHE-së për Tiranën, Erjon Veliaj vijon të thellojë avantazhin ndaj kundërshtarit të tij të APPD-së, Halim Kosova, kur raportohet se janë pa numëruar ende edhe 63 kuti.  Numërimi vazhdon në pjesën më të madhe të bashkive të vendit. KQZ-ja deklaroi se në rang vendi pjesëmarrja në këto zgjedhje ishte 48%.


Po ashtu i ngushtë është rezultati për Bashkinë e Kamzës ku deri në 08:00 kandidati i ASHE-se, Safet Gjici merr 16.278, ndërsa kandidati i APPD-së, Xhelal Mziu merr 17.781 vota.


Është mbyllur numërimi i votave edhe në Kavajë, ku fitues është shpallur kandidati i ASHE, Elvis Roshi me 16.540. Ndërsa kandidati i djathtë ka marrë 9.464.


Kujtojmë se procesi i numërimit ka përfunduar në 54 bashki, ku 40 prej tyre janë fituar nga kandidatët e koalicionit të majtë Aleanca për Shqipërinë Europiane dhe 13 nga koalicioni i djathtë Aleanca për Punësim dhe Dinjitet. ASHE ka marrë Korçën, Elbasanin, Fierin, Vlorën dhe Gjirokastrë dhe Dibrën, më herët bastion i së djathtës. ndërsa APPD-ja merr Lezhën dhe Kukësin. Në Shkodër kryeson APPD-ja, ndërsa në Durrës, ASHE.

NUMERIMET NE 61 BASHKITE E VENDIT  (I perditesuar deri në 20:00 pas minute)

QARKU SHKODER
SHKODER – ASHE merr 19.008 vota, APPD merr 27.033 vota, Vullnet Elbasani merr 1.368 vota
PUKE-  ASHE merr 3.847 vota, APPD merr 3.750 vota (Perfunduar fiton ASHE)
VAU I DEJES – ASHE merr 7.902 vota, APPD merr 9.853 vota (Perfunduar fiton APPD)
MALESI E MADHE – ASHE merr 4.651 vota, APPD merr 4.370 vota
FUSHË- ARRËZ- ASHE merr 2.715 vota, APPD merr 2.649 vota (Perfunduar fiton ASHE)

QARKU DIBER
BULQIZE – ASHE merr 9.267 vota, APPD merr 7.207 vota (Perfundon fiton ASHE)
DIBER  –  ASHE merr 14.519 vota, APPD merr 14.164 vota (Perfundon fiton ASHE) ?
KLOS  –  ASHE merr 4.097 vota, APPD mer 5.127 vota (Perfunduar fiton APPD)
MAT  –  ASHE merr 7.969, APPD merr 7.940 vota (Perfunduar fiton APPD) ?

QARKU KUKES
KUKES –   ASHE merr 11.260 vota, APPD merr 14.303 vota (Perfunduar fiton APPD)
HAS  – ASHE merr 4.884 vota, APPD merr 4.245 vota (Perfunduar fiton ASHE)
TROPOJE – 4.992 vota për ASHE, 5.810 vota për APPD (Perfunduar fiton APPD)

QARKU DURRES
DURRES – 37.417 vota për ASHE, APPD merr 27.288 vota
SHIJAK – ASHE merr 9.253 vota, APPD merr 6.358 vota (Perfunduar fiton ASHE)
KRUJE – ASHE merr 12.627 vota, APPD merr 10.649 vota

QARKU ELBASAN
ELBASAN- ASHE merr 43.958 vota, APPD merr 28.987 vota (Perfunduar fiton ASHE)
LIBRAZHD  – ASHE merr 10.587 vota, APPD merr 4.395 vota (Perfunduar fiton ASHE)
BELSH – ASHE merr 5.241, APPD 4.428 VOTA, 1.848 Kandidati i pavarur (Perfunduar fiton ASHE)
PEQIN  – 9.103 vota merr ASHE, 4.280 vota merr APPD (Perfunduar fiton ASHE)
CERRIK – ASHE merr 9.268 vota, APPD merr 6.352 vota (Perfunduar fiton ASHE)
GRAMSH – ASHE merr 8.662 vota, APPD merr 5.943 vota (Perfunduar fiton ASHE)
PERRENJAS –  ASHE merr 7.745 vota, APPD merr 5.670 vota (Perfunduar fiton ASHE)

QARKU FIER
FIER- ASHE merr 36.317 vota, APPD merr 25.759 vota, 4.173 merr ÇAÇI i (PSD) (Perfunduar fiton ASHE)
RROSKOVEC –  ASHE merr 7.141 vota,  APPD merr 6.475 vota (Perfunduar fiton ASHE)
PATOS    – ASHE merr 9.379 vota,  APPD merr 5.800 vota (Perfunduar fiton ASHE)
LUSHNJE  – ASHE merr 24.674 vota, APPD merr 22.535 vota (Përfunduar fiton ASHE) ?
DIVJAKE   –  ASHE merr 11.279 vota, APPD merr 9.301 vota (Perfunduar fiton ASHE)
MALLAKASTER – ASHE merr 7.729 vota, APPD merr 9.410 vota (Perfunduar fiton ASHE)

QARKU KORCE
KORCE –  ASHE merr 25.341 vota, APPD merr 17.543 vota (Perfunduar fiton ASHE) ?
MALIQ  – ASHE merr 12.805 vota, APPD merr 11.422 vota (Perfunduar fiton ASHE)
DEVOLL  –  9.165 vota për ASHE, 9.620 vota për APPD (Perfunduar FITON APPD)
POGRADEC- ASHE merr 16.024 vota, APPD merr 17.647 vota, 977 Kandidati i pavarur (Perfunduar fiton APPD)
KOLONJE – ASHE merr 4.435 vota, APPD merr 3.708 vota (Perfunduar fiton ASHE)
PUSTEC  –  ASHE merr 2.076 vota, APPD merr 488 vota (Perfunduar fiton ASHE)

QARKU BERAT
BERAT  – ASHE merr 16.178 vota, APPD merr 14.562 vota
URA VAJGURORE – 9.019 për ASHE, APPD merr 6.454 vota (Perfunduar fiton ASHE)
SKRAPAR – ASHE merr 6.879 vota, APPD merr 1.089 vota (Perfunduar fiton ASHE)
POLICAN – ASHE merr 4.754 vota, APPD merr 1.799 vota (Perfunduar fiton ASHE)
KUÇOVE-  ASHE merr 10.809 vota, APPD merr 7.923 vota, 188 Oboni (Perfunduar fiton ASHE)

QARKU GJIROKASTER
GJIROKASTER – ASHE merr 11.331 vota, APPD merr 9.535 vota (Perfunduar fiton ASHE) ?
DROPULL- PBDNJ merr 994 vota, APPD merr 2.803 vota, 2.212 Kandidati i pavarur (Perfunduar fiton APPD)
KELCYRE- ASHE merr 2.397 vota, APPD merr 2.016 vota, 2.280 Bujar Fezga i pavarur (Perfunduar fiton ASHE)
LIBOHOVE – ASHE merr 1.692 vota, APPD merr 1.462 vota (Perfunduar fiton ASHE)
MEMALIAJ – ASHE merr 2.784 vota, APPD 710 vota, 1.357 Malaj(PSD) 1.276 Zeqaj (Perfunduar fiton ASHE)
PERMET – ASHE merr 2.933 vota, APPD merr 4.542 vota (Perfunduar fiton APPD) ?
TEPELENE – 3.998 vota për ASHE, 1.860 vota për APPD, 1.291 Kandidati i pavarur (Perfunduar fiton ASHE)

QARKU LEZHE
LEZHE  –  ASHE merr 17.083 vota, APPD merr 21.146 vota (Perfunduar fiton APPD) ?
KURBIN –  11.123 për ASHE, 2.313 për APPD (Perfunduar fiton ASHE)
MIRDITE  – ASHE merr 8.377 vota, APPD merr 6.751 vota (Perfunduar fiton ASHE)

QARKU TIRANE
TIRANE – ASHE merr 151.261 vota, APPD merr 110.410 vota
Gjergj Bojaxhi 15.163 vota, Arben Tafaj 1.862 vota, Sazan Guri 3.131 vota, Dhimitër Muslia, 869
KAMEZ – ASHE merr 17.052 vota, APPD merr 18.858 vota
KAVAJE –  ASHE merr 16.540 vota, APPD merr 9.464 vota (Perfunduar fiton ASHE)
VORE  – 7.558 VOTA ASHE, 7.696 VOTA APPD (Perfunduar fiton APPD)
RROGOZHINE 6.919 merr ASHE,  5.387 vota merr APPD (Perfunduar fiton ASHE)

QARKU VLORE
VLORE  –  ASHE merr 40.581 vota, APPD merr 22.110 vota (Perfunduar fiton ASHE) ?
DELVINE – ASHE merr 4.735 vota, APPD merr 1.769 vota (Perfunduar fiton ASHE)
FINIQ 4.296 vota merr Hristo (Mega) 3.807 Babi (PBDNJ) 1 Karajani APPD
HIMARE – 4.747 (ASHE) 596 (APPD) 2.335 (PBDNJ), 861 Kandidati i pavarur (Perfunduar fiton ASHE)
KONISPOL – 2.630 ASHE, 1.961 APPD, 971 PBDNJ (Perfunduar fiton ASHE)
SARANDE – ASHE merr 8.335 vota, APPD merr 7.105 vota (Perfunduar fiton ASHE) ?
SELENICE – 5.078 merr ASHE, 6.096 merr APPD (Perfunduar fiton APPD)

PUKË, NDËRPRITET PUNA NË KZAZ 8, TËRHIQEN KOMISIONERËT. NUMËRIMI SHTYHET PËR NESËR
Ora 21:00-Komisionerët e PS, PD, PR dhe LSI janë tërhequr nga KZAZ 8 në Pukë çka ka bërë që të ndërpritet numërimi. Numëruesit kanë deklaruar se Kandidatët për Këshilltarë duhet të rrinë jashtë sallës së numërimit. Ndërsa kandidatët ankohen se partitë po tentojnë të vjedhin votat.. Nga KZAZ8 bëhet me dije se procesi i i numërimit të votave do fillojë sërish nesër.

ARMANDO SUBASHI KRYETARI I RI I BASHKISE SE FIERIT
Ora 20:30- Armando Subashi, përfaqësuesi i ASHE-së është shpallur fitues i zgjedhjeve në Fier. Ai ka marrë 36.317 vota në krahasim me kandidatin e APPD Enkelejd Alibeaj që mori 25.759.

DIBËR, NDËRPRITET NUMËRIMI NË KZAZ NUMËR 19
Ora 18:55- Përplasja mes komisionerëve të majtë dhe të djathtë ka bërë që të ndërpritet numërimi në KZAZ 19 në Dibër. Ndërsa në Berat kutisë së cilës ju ndryshua vula do të çohet në KQZ. Vendimi për këtë kuti do të merret nga KQZ. Problemi në fjalë është konstatuar në kutinë numër 3450 në fshatin Vojnik.

PËRFUNDON NUMËRIMI NË MEMALIAJ, ASHE 2768 vota, APPD 720 vota
Ora 18:45- Ka përfunduar procesi i numërimit të votave edhe në Bashkinë e Memaliajt, ku fitorja ka shkuar për kandidatin e ASHE-së me një avantazh të dukshëm. Ashe-ja ka 2768 vota, ndërkohë që APPD-ja ka 720 vota.

LAZARAT PËRFUNDON VOTIMI, FITON APPD
Ora 18:36- Ka përfunduar procesi i numërimit në Lazarat, aty ku ka fituar koalicioni i djathtë APPD-ja me një diferencë prej 1777 votash. Mësohet se ASHE-ja ka marrë 133 vota, ndërsa APPD-ja 1910 vota, vota të cilat i bashkohen Bashkisë së Gjirokastrës.

FUSHË-ARRËZ, DORËHIQET SEKRETARI I KZAZ 8, NIK NIKA
Ora 18:22- Sekretari i KZAZ 8 Nik Nika në Fushë Arrëz është dorëhequr. Shkak sipas burimeve nga kjo KZAZ janë bërë debatet për numërimin e votave për këshillin. Në sallën e numërimit në këtë KZAZ kanë qenë të pranishëm edhe kandidatët për këshill.

ASHE FITON 27 BASHKI, APPD 10
Ora 17:30- Procesi i numërimit të votave ka përfunduar për 37 bashki, nga të cilat 27 janë fituar nga koalicioni Aleanca për Shqipërinë Europiane, ndërsa APPD ka siguruar 10 prej tyre. Deri tani, ASHE ka fituar bashkitë e Pustecit, Pukës, Fushë-Arrëzit, Hasit, Delvinës, Skraparit, Kolonjës, Libohovës, Belsh, Himarës, Mirditës, Sarandës, Tepelenës, Lushnjës, Librazhdit dhe Kurbinit.

Po ashtu, ka fituar dhe bashkinë e Cërrikut, Peqinit, Konispolit, Rroskovecit, Urë Vajgurores, Gramshit, Poliçanit, Maliqit, Korçës, Divjakës. Ndërkohë, APPD ka fituar bashkinë e Klosit, Tropojës, Përmetit, Matit, Selenicës, Vorës dhe Ballshit. Po ashtu, koalicioni i djathtë ka siguruar bashkinë e Kukësit, Pogradecit dhe Vaut të Dejës.

DRITAN YLLI: KËTU NGA LAGJJA E LULZIM BASHËS, I DHAMË FITOREN TIRANËS
Ora 16:32- Ndërkohë, përfaqësuesi i Lëvizjes Socialiste për Integrim, Dritan Ylli deklaroi nga njësia nr.8 se nga lagja ku jeton kreu i PD-së, Lulzim Basha i solli fitoren simbolike Tiranës. “Lajmëtarja e fitores së Tiranës do ishte njësia nr.8, këtu nga Lagja e Lulzim Bashës. I dhamë fitoren simbolike Tiranës”,- tha Ylli.

BUSHATI: NJËSIA NR.8 FITORE SIMBOLIKE PËR TË MAJTËN
Ora 16:29- 307 vota më shumë ka marrë kandidati i majtë Erion Veliaj në njësinë nr.8 në KZAZ 38, e cila njihej si bastion i të djathtëve. Në një deklaratë drejtuar mediave, deputeti i PS-së Ervin Bushati falënderoi dhe bashkëpunëtorët e tij, LSI-në. “Duam të falënderojmë aleatin tonë LSI. Në zemër të Tiranës, ne duam ti njoftojmë Shqipërisë, dhe për herë të parë njësia nr.8 voton majtas. Në mënyrë simbolike, duam ti falënderojmë të gjithë këtë fitore simbolike.”, tha Ervin Bushati.

GJIROKASTËR, NIS NUMËRIMI I KUTIVE NË ZONËN E LAZARATIT
Ora 18:00- Ka nisur sot pasdite numërimi në komunën e Lazaratit Mësohet se është numëruar qendra e parë e votimit, nga ku ASHE merr 13 vota dhe APPD 347 vota.

PDIU FITON 3 BASHKINË E KONISPOLIT, PEQINIT DHE RROGOZHINËS
Ora 15:34- Partia për Drejtësi, Integrim dhe Unitet ka arritur të fitojë në këto zgjedhje lokale 3 bashki të vendit. Bëhet fjalë për atë të Konispolit, Peqinit dhe Rrogozhinës.

MBYLLET VOTIMI NË MALIQ, FITON ASHE
Ora 15:21: Është mbyllur sot procesi i numërimit në Maliq, ndërsa ka kryesuar nga ASHE-ja. Kandidati i majtë, Gëzim Topçiu ka arritur të sigurojë 4252, ndërsa APPD 3505.

PËRFUNDON NUMËRIMI NË DIVJAKË, FITON ASHE
Ora 14:32- Ka përfunduar numërimi për bashkinë e Divjakës, ndërsa ka fituar Aleanca për Shqipërinë Europiane. Mësohet se ASHE ka siguruar 11226, ndërsa APPD ka arritur të marrë 9165.

MAJKO TEK NJËSIA NR.5: ËSHTË VULLKAN I MADH I BASTIONIT TË SË MAJTËS, NGJARJE PËR POLITIKËN VOTA PËR BOJAXHIUN
Ora 13: 35- Deputeti i Partisë Socialiste, Pandeli Majko deklaroi sot se ngjarje në këto zgjedhje mund të quhet fare mirë numri i votave për kanididatin e pavarur për bashkinë e Tiranës, Gjergj Bojaxhi në njësinë nr.5, e cila njihet si bastion i së majtës. Gjatë një prononcimi për News24, Majko thekosi se votat për Bojaxhinë janë nga të djathtët. Teksa u pyet se kur mund të mbaroj procesi i numërimit të votave, ligjvënësi i majtë theksoi se nuk dihet ende, ndërsa pohoi se ‘aty është një vullkan i madh i bastionit të së majtës’.
“Nuk e them dot se kur do mbaroi procesi. Por aty është një vullkan i madh i bastionit të së majtës. Nuk e prisja një rezultat të tillë për zotin Bojaxhi, ishte ngjarje. Njësia 5 ka një angazhim për të majtën. Por për një të pavarur nuk është e natyrshme për Bojxhin, ndërsa e kthejnë atë në një ngjarje. Votat për zotin Bojaxhi janë të djathta, ndaj vota për të besoj është e nga të djathtët.” Në këtë Njësi, kandidati i pavarur Gjergj Bojaxhi ka marrë 606 vota, rreth 10%; Veliaj 2728 vota dhe Kosova 1560 vota. Janë numëruar 15 kuti, janë edhe 78. Dy kanë përfunduar por nuk janë certifikuar ende.

PËRFUNDON PROCESI I NUMËRIMIT NË MAT, FITON APPD
Ora 13:37- Një tjetër surprizë e këtyre zgjedhjeve lokale ka qenë dhe Mati, pasi ai është fituar nga APPD, ndërsa më parë drejtohej nga majta.

PATOZI: FUSHATA MË E EGËR NË HISTORINË E ZGJEDHJEVE, I EMOCIONUAR DHE I CLIRUAR
Ora 13:33- Ndërsa deputeti demokrat Astrit Patozi tha se në Vorë ka qenë fushata më e egër në historinë e zgjedhjeve shqiptare dhe se ndihet më i çliruar se kur ka fituar për herë të parë mandatin si deputet. “Ky qytet është vullneti i qytetarëve. Kjo ishte fushata më e egër në historinë e zgjedhjeve shqiptare. Në rrafshin person

FITORJA E PD NË VORË, LSI KONTESTON REZULTATIN
Ora 13:29- Pas fitores së kandidatit të djathtë në Bashkinë e Vorës, LSI ka kontestuar rezultatin, duke shprehur pakënaqësi për dy kutitë e Domjes. Sekretari i Përgjithshëm i LSI-së, Luan Rama tha se do të ndiqen hapat ligjorë. “Do ndjekim rrugët ligjore. Falënderoj kolegët e PD për bashkëpunimin. Ishte një model bashkëpunimi”, tha Luan Rama.

FIQIRI ISMAILI MERR MANDATIN E TIJ TË TRETË PËR BASHKINË E VORËS: ISHTE SFIDA MË E MADHE E JETËS TIME, S’KISHTE LËVIZJE FIKTIVE
Ora 13:28- Fiqiri Ismaili, kandidati i së djathtës ka fituar mandatin e tij të tretë në krye të bashkisë së Vorës. Mësohet se avantazhi i tij ndaj kandidatit të ASHE-së ka qenë shumë i vogël. Fill pas shpalljes së vendimit, Ismaili deklaroi se kjo ishte një nga sfidat e tij më të mëdha, pasi sipas tij u ushtrua presion ndaj qytetarëve. Nga ana tjetër, ai mohoi të gjitha akuzat në lidhje me dyshimet se shumë qytetarë lëvizën dhe u regjistruan në mënyrë fiktive në Vorë.

“Është një nga sfidat më të mëdha të jetës time. Është fitore e merituar dhe është një fitore me standarde europiane. Falënderoj të gjithë qytetarët e Vorës që më besuan edhe për të mandat. Ne prisnim rezultat më të lartë, por situata në Vorë ka qenë shumë e vështirë, siç nuk ka qenë ndonjëherë. Qytetarët besuan tek platforma ime. Ishte një garë elektorale dhe i uroj gjithë të mirat. Vora nuk pas pasur lëvizje fiktive, Kryetari i Bashkisë nuk merret me lëvizjet e qytetarëve. Të gjithë kanë të drejtë të lëvizur siç duan. Unë nuk kam lidhje me këta shtetas fare. Jam në detyrë dhe që nesër do vazhdojë të jem në krye të detyrës.”, tha Fiqiri Ismaili.

KËLCYRË, DHUNOHEN NJË VËZHGUES I APPD
Ora 13:13 – Një vëzhgues i Aleancës për Punë dhe Dinjitet është dhunuar sot në Këlcyrë. Nuk dihen ende rrethanat në të cilat ka ndodhur ngjarja.

TEPELENË, KANDIDATI VEIP CELA KËRKON PAVLEFSHMËRI TË PROCESIT
Ora 13:10- Kandidati i koalicionit të djathtë për bashkinë e Tepelenës, Veip Çela kërkon pavefshmëri të procesit. Sipas tij, vendimi i KQZ-së, për mosndryshimin e fletës së votimit, ku kandidatët e ASHE dhe APPD ishin shënuar me të njëjtin numri, është i qëllimshëm.

KREU I PD-SË NË DURRËS: MUNGON SIGURIA, DYSHIME SE MUND TË NDËRHYJNË TE FLETËT E VOTIMIT
Ora 13:02- Kreu i Partisë Demokratike në Durrës, Osman Stafa ka deklaruar sot se situata në këtë qytet është shqetësuese. Sipas tij, në Durrës mungon siguria, ndërsa ka dyshime se mund të ndërhyjnë në fletët e votimeve.

BLLOKOHET PROCESI I NUMËRIMIT NË MALËSI E MADHE, S’KA KOMISIONERË TË PD
Ora 12:58- Në Malësinë e Madhe është ndërprerë procesi i numërimit të votave, pasi Partia Demokratike nuk ka çuar komisionerë. Nuk dihet se çfarë vendimi do të merret më pas.
PËRFUNDON NUMËRIMI NË GRAMSH, FITON KANDIDATJE SOCIALISTE
Ora 12:58- Është mbyllur kështu procesi i numërimit edhe për një tjetër Bashki. Bëhet fjalë për atë të Gramshit ku me 8648 vota ka fituar kandidatja e PS-së, Luljeta Dollani. Kandidati i APPD-së ka marrë 5964 vota.

VORË, FIQIRI ISMAILI I APPD KRYESON ME 134 VOTA
Ora 12:51- Kur jemi vetëm 3 kuti nga përfundimi i procesit të numërimit të votave në Vorë, kryetari aktual, i cili kandidon nën siglën e koalicionit të djathtë, Fiqiri Ismaili kryeson me 134 vota. Rezultati është shumë i ngushtë dhe mund të ketë ndryshime nga momenti në moment.

BLLOKOHET PROCESI I NUMËRIMI NË MALIQ, DISA PERSONA TENTOJNË TË FUTEN NË KZAZ
Ora 12:39- Është bllokuar procesi i numërimi në KZAZ-në e Maliqit, pasi disa persona të paidentifikuar kanë tentuar të futen në KZAZ.

MBYLLET PROCESI VOTIMIT NË URË VAJGURORE, FITON ASHE
ORA:12:35- Përfundon votimi për Bashkinë e Urës Vajgurore. Mësohet se kandidatja e ASHE-së, Juliana Mema do të drejtojë bashkinë e këtij qyteti.

KËLCYRË, NDËRPRITET NUMËRIMI PREJ NJË ORE, 32 FLETË PA VULË
Ora:12:30- Është ndërprerë procesi i numërimit të votave për rreth një orë në Këlcyrë. Mësohet se shkak i këtij bllokimi janë bërë 32 vota, të cilat figuronin pa vulë. Lidhur me këtë fakt, KZAZ vendosi që këto 32 fletë votimi të quhen të kontestuar.

TEPELENË, PD TËRHEQ NUMËRUESIN
Ora 12:15- Gazetari Mariglen Mërtiri raportoi nga Tepelena se Partia Demokratike ka tërhequr numëruesit nga KZAZ 77. Dy arsyet e këtij vendimi janë gabimi në renditjen ne fletën e votimit dhe vonesa mbi dy orë e procesit të pezullimit të procesit nga KZAZ dhe KQZ. Me gjithë tërheqjen e numëruesit të PD-së, procesi nuk ka ndaluar. Numëruesit e PS, LSI dhe PR kanë vijuar me numërimin e votave. Procesi u ndërpre rreth orës 6 të mëngjesit për shkak të lodhjes. Deri në këto momente, në Tepelenë kryeson kandidati i ASHE-së, Tërmet Peçi, ndërsa janë numëruar 14 nga 29 kuti gjithsej.
Termet Peçi 2637 ASHE
Veip Çela 987 APPD
Dritan Memushi 694

AMBASADORI DONALD LU: CERTIFIKIMI I SAKTË I VULLNETIT TË QYTETARËVE, I RËNDËSISHËM
Ora:12:13- Ambasadori amerikan në Tiranë, Donald Lu ka deklaruar sot se qytetarët e dhanë dje votën e tyre për këto zgjedhje lokale. Nga ana tjetër, ai theksoi se certifikimi i saktë i vullnetit të qytetarëve është i rëndësishëm.

E MAJTA FITON NË CËRRIK DHE KONISPOL
Ora 11:34- Ka përfunduar procesi i numërimit të votave për Bashkinë e Cërrikut ku ka fituar kandidati i Aleancës për Shqipërinë Europiane Altin Toska. Gjithashtu ka përfunduar numërimi edhe në Konispol, ku ka fituar sërish e majta.

ASHE FITON NE POLIÇAN
Ora 11:30-  Ka përfunduar numërimi i votave për bashkinë e Poliçanit, ku kandidati i ASHE-së, Adriatik Zotjak ka arritur të sigurojë fitoren e tij të katërt.

KANDIDATI I ASHE-SË KRYESON NË BASHKINË E VORËS
Ora 11:05- Në Bashkinë e Vorës po shkon drejt përfundimit proçesi i numërimit të kutive të votimit. Aktualisht 3 kuti janë proces numërimi dhe një tjetër është e pahapur ende.
Deri më tani kandidati i majtë Luan Sallaku kryeson me 6860 vota, ndërsa kandidati djathtë Fiqiri Ismaili ka 6770 vota.
Në çdo kuti votimi janë konstatuar fletë të pavlefshme. Nga 15 500 fletëvotimi janë numëruar 13.630, mbeten për tu numëruar edhe 2070.

PËRFUNDON NUMËRIMI NË PEQIN, PËRMET DHE TROPOJË
Ora 11:00- Ka përfunduar numërimi për Bashkinë e Peqinit, Përmetit dhe Tropojës.
Në Peqin koalicioni i majtë ASHE ka fituar me 8701 vota, ndërsa koalicioni i djathtë APPD ka marrë 4204 vota. Në Përmet ka fituar kandidati i djathtë me 4771 vota, ndërsa ASHE ka marrë 3188. Përmeti ishte surprizë pasi historikisht është qeverisur nga të majtët. Në Tropojë kandidati i së djathtës ka fituar me rreth dyfishin e votave, duke marrë 8810 vota, ndërsa kandidati i majtë ka marrë 4492 vota.

FLETË VOTIMI TEPËR NË NJË QENDËR VOTIMI NË VORË, LUAN RAMA: PRETENDOJMË TË FITOJMË
Ora 10:40- Një tjetër rast flagrant është regjistruar dhe në Vorë, pasi mësohet se në një kuti votimi 18 fletë votimi. Ndërkohë, mësohet se kanë ngelur dhe 4 kuti pa u numëruar, të cilat do bënin diferencën mes kandidatëve, të cilët janë shumë afër me rezultatet. Në një prononcim për News24, sekretari i përgjithshëm i Lëvizjes Socialiste për Integrim, Luan Rama. “Parashikimi është subjektiv dhe nuk mund ta parashikojë. Ne pretendojmë të fitojmë, ashtu sikur dhe pala tjetër. Duke njohur zonën dhe mënyrën se si është punuar, mendojmë se do kemi rezultate të mira”, tha Rama për News24.

E MAJTA MERR BASHKINË E MIRDITËS
Ora 10:38- Në Mirditë, Ndrec Dedaj i Aleancës për Shqipërinë Europiane ka fituar garën për bashkinë e Mirditës përballë Gjergj Prengës së Aleancës popullore për Punë e Dinjitet. Dedaj ka marrë 8377 vota ose 55,4% ndërsa Prenga ka marrë 6751 vota ose 44,6%.

DENONCON KRYEMADHI: 40 VOTA TEPËR NË NJË KUTI VOTIMI, KALLEZIM PENAL PER 7 KOMISIONERËT
Ora 10:30- 40 vota m tepër janë gjetur në një kuti votimi në një qendër të numërimit të votave në Lezhë. Denoncimin e ka bërë deputetja e këtij qarku, Monika Kryemadhi. Gjatë një prononcimi për Neës24, Kryemadhi theksoi se do të dorëzojë në prokurori një padi ndaj 7 komisionerëve të kësaj qendre votimi, ndërsa theksoi se nuk do ndalet qofshin ata të LSI-PS-PD.
“Është një cënim i procesit zgjedhor pasi janë ndërprerë puna nga ana e 7 komisionerëve. Do bëjmë padi në prokuror, do i japim fund procesit të deformimit të votave. Duhet të shkojmë deri në fund. Janë gjetur 40 fletë votimi në një kuti, ku ishte mbi numrin e duhur. Ndaj nuk është normale kjo që ka ndodhur”, tha Kryemadhi.

HIMARË, MBYLLET PROCESI FITON GORO I ASHE-SË
Ora 10:13- Në Himarë mbyllet procesi i numërimit, fiton Gjergji Goro i koalicionit të majtë, Aleanca për Shqipërinë Europiane.

AMBASADORI DONALD LU VËZHGON QENDRËN E VOTIMIT TEK “SHKOLLA E KUQE”
Ora 9:49- Ambasadori Donald Lu ka mbërritur në qendrën e votimit në “Shkollën e Kuqe”. Mësohet se ambasadori dhe ditën e djeshme ishte vëzhgues në një qendër votimi në Vorë.

SHTYHET PROCESI I NUMËRIMIT TË VOTAVE NË SHIJAK
Ora 9:38- Është shtyrë procesi i numërimit të votave në Shijak. Nuk dihen arsyet e ndërprerjes së procesit.

KAVAJË, NDËRPRITET NUMËRIMI, SHKAK LODHJA, NIS NË 14:00
Ora 9:41- Procesi i numërimit është ndërprerë dhe në Kavajë, ndërsa mësohet se shkak është bërë lodhja e komisionerëve.

BIEN BASTIONET, PD KRYESON NË PËRMET, 20 VOTA NË AVANTAZH NË BERAT
Ora 9:30- Zgjedhjet e 21 qershorit kanë rrëzuar edhe bastione të cilat prej disa mandatesh nuk ndryshonin ngjyrë. Partia Demokratike kryeson në Bashkinë e Përmetit, të cilën nuk e drejtonte prej tetë vjetësh dhe në këto zgjedhje nisej nga pozita jo të favorshme. Mësohet se kandidati i djathtë është rreth 1 mijë vota në avantazh. Por më surprizë për demokratët mund të konsiderohet Këlcyra ku pak ditë para votimit u detyrua të tërheqtë kandidatin e saj. Kandidati i pavarur, i cili tashmë mbështetet nga PD po kryeson me rreth 200 vota në këtë bashki. Në Berat janë numëruar rreth 20% e kutive, kandidati i djathtë kryeson me rreth 20 vota, ç’ka nuk ka ndodhur që nga viti 2006. Ndërsa e majta ka marrë bashkinë e Pukës e cila ka qenë e fituar nga demokratët. Rezultat shume i mire për PD është edhe Saranda ku nga 20 kuti votimi te numëruara, nga 50 qe janë ne total Kreshnik Bozho kryeson me rreth 30 vota përballë Florjana Kokes se PS. Kandidati i koalicionit PS¬LSI ka fituar me vetëm 97 vota përballë kandidatit të PD-¬së. Surprize për socialistët konsiderohet gjithashtu Bashkia e Fushë Arrëzit por edhe ajo e Delvinës, të cilat kanë qenë më parë të fituara nga PD-ja.

MBYLLET NUMËRIMI NË KLOS, FITON PD
Ora 9:20- Ka përfunduar numërimi në Klos ku rezulton fitues kandidati i APPD, Basir Çupa.

BLLOKOHET NUMËRIMI NË KZAZ 81 NË VLORË, SHKAK DEFEKTI TEKNIK
Ora 09:15- Bllokohet procesi i numërimit në KZAZ n.81 në Vlorë. Shkak i këtij bllokimi është bërë një defekt teknik. Ndërkohë, nuk dihet saktësisht se çfarë ka ndodhur.

ASHE MERR EDHE BELSHIN
Ora 9:00- Numërimi ka përfunduar dhe në Belsh, ku sërish ka triumfuar ASHE. Koalicioni i majtë ka siguruar, 4.306, ndërsa APPD, 3.568

MEMALIAJ, NDERPRITET PROCESI I NUMERIMIT NE KZAZ 76
Ora 8:45- Ndërpritet procesi i numërimit në KZAZ 76 në Memaliaj. Shkak janë bërë akuzat për mospërputhjen e votave me procesverbalet. Procesi pritet të rifillojë në orën 9:30. Janë numëruar 9 kuti nga 34 në Memaliaj

ASHE FITON NË LIBOHOVË
Ora 8:46- Ndërkaq, në Libohovë, kandidati Kastriot Gurra i ASHE-së ka fituar zgjedhjet për kryetar të Bashkisë. Ai ka kryesuar me 1692 vota, ndërsa APPD ka marrë 1462.

LUSHNJË, NUMËROHEN 69 NGA 160 QV
Ora 8:15- Vijon procesi i numërimit për Bashkinë e Lushnjës. Deri tani janë numëruar 69 Qendra Votimi nga 160, 11 011 ASHE, 9416 APPD

PËRFUNDON NUMËRIMI, NË KOLONJË FITON KANDIDATI I MAJTË
Ora 7:55- Ka përfunduar procesi i numërimit për Bashkinë e Kolonjës, fiton Arben Malo i ASHE-së. ASHE, Arben Malo fitues me 4434, APPD, 3704 vota.

ASHE FITON NË PUKË, FUSHË-ARRËZ, HAS, DELVINË DHE SKRAPAR
Ora 7:46- E majta do të qeverisë Pukën, Fushë-Arrëzin, Hasin, Delvinën dhe Skraparin. Në Pukë ka përfunduar numërimi dhe Gjon Gjonaj ka fituar me një diferencë të ngushtë prej 73 votash. Edhe në Has ka fituar kandidati i majtë Adem Lala. Në Kolonjë deri në këto momente kryeson me 740 vota më shumë kandidati i ASHE-së. Në Delvinë ka fituar gjithashtu kandidati i majtë, Rigels Balili, por pritet konfirmim. Skrapari do të qeveriset gjithashtu nga të majtët, pasi kandidati Nesim Spahiu ka fituar bindshëm me një diferencë prej rreth 5 mijë votash. Edhe në Fushë-Arrëz ka fituar kandidati i ASHE-së me 66 vota vota para (ASHE 2716, APPD 2650)

NDËRPRITET PROCESI I NUMËRIMIT NË MEMALIAJ
Ora 05:00-Është ndërprerë procesi i numërimit në Memaliaj. Shkak për ndërprerjen e procesit është bërë gjetja e disa fletëve të votimit tepër në një nga kutitë e votimit.

PUSTEC, FILLON NUMËRIMI PËR KËSHILLIN BASHKIAK
Ora 03:00-Numërimi i kutive për kreun e Bashkisë në Pustec është drejt fundit ndërkohë që ka filluar edhe numërimi për Këshillin Bashkiak.  Kandidati i ASHE  ka marrë 2076 vota dhe ai i APPD 488 vota.
NIS NUMËRIMI NË LIBOHOVË
Ora 01:54-Ka nisur procesi i numërimit të votave edhe në Bashkinë e Libohovës. Ndërkohë ende nuk ka nisur numërimi për Bashkinë e Vlorës dhe për Sarandën.
REZULTATET PARAPRAKE TË NUMËRIMIT
Ora 01:25- Në disa nga bashkitë kryesore të vendit ka nisur procesi I numërimit të votive. Numërimi ka nisur edhe për Bashkinë e Tiranës.
Pustec, ASHE 1549 VOTA, APPD 404 VOTA
Has, ASHE 1022 VOTA, APPD 989 VOTA
Ura Vajgurore, 423 ASHE, 253 VOTA APPD
Devoll, 616 VOTA ASHE 991 VOTA APPD
Tepelenë, 147 VOTA ASHE, 45 VOTA APPD
Korçë, 224 VOTA ASHEE, 189 VOTA PËR APPD
Peqin, 503 VOTA ASHE, 111 APPD
Në Njësinë 8 në Tiranë; Halim Kosova 516, Erjon Veliaj 459, Bojaxhi 78, Sazan Guri 17, Arben Tafaj, 29 Dhimitër Muslia 1 votë
Vorë, 923 vota ASHE, 865 vota APPD, 29 vota të pavlefshme

NUMËROHEN 4 KUTITË E PARA NË TIRANË, KOSOVA KA MARRË 516, ERJON VELIAJ 459
Ora 00:55-Nga numërimet paraprake në Has ASHE ka marrë 945 vota dhe APPD 916 vota. Ndërsa në Urën Vajgurore, deri tani ASHE ka marrë 423 vota dhe APPD 253. Në Devoll 576 ASHE dhe 923 vota APPD. Në Peqin, APPD ka 63 vota, ASHE 246 vota. Në Tiranë janë numëruar 4 kutitë e para në njësinë 8. Halim Kosova ka marrë 516, Erjon Veliaj 459, Bojaxhi 78, Guri 17, Arben Tafaj, 29 dhe Dhimitër Muslia 1 votë.

NUMËROHEN 5 NGA 8 KUTI NË PUSTEC, FITON KANDIDATI I ASHE
Ora 00:43-Pusteci, është bashkia e parë që ka numëruar më shumë se gjysmën e kutive të votimit. Sipas rezultatit më të fundit kandidati i ASHE ka marrë 1549 vota ndërsa kandidati i APPD 404 vota.

NIS NUMËRIMI I FLETËVE TË VOTIMIT PËR BASHKINË KORÇË
Ora 00:23- Ka nisur numërimi edhe për Bashkinë e Korçës. Nga rezultatet paraprake të publikuara nga KQZ deri tani ASHE është në avantazh.

NUMËROHET KUTIA E PARË NË DEVOLL, APPD NË AVANTAZH
Është numëruar edhe në Devoll kutia e parë. Nga kjo kuti 105 vota ka marrë kandidati i APPD, Bledian Nallbati, ndërsa kandidati i ASHE Kosta Qaja ka marrë 66 vota. Kutia e numëruar i përket qendrës së votimit 3754.

REZULTATET E KQZ SIPAS QARQEVE
KQZ PUBLIKON REZULTATET E PARA TË NUMËRIMIT, ASHE NË AVANTAZH
Ora 00:05-Komisioni Qendror i Zgjedhjeve ka publikuar në faqen e tij zyrtare rezultatet e para të numërimit të kutive në të 12 qarqet e vendit. Sipas këtij rezultati në total ASHE ndodhet në avantazh.

NIS NUMËRIMI NË TEPELENË, PËRFUNDON DORËZIMI I KUTIVE NË FIER
Ora 23:55-Numërimi ka nisur edhe në KZAZ 77 në Tepelenë. Ndërkohë në Fier ka përfunduar dorëzimi i kutive dhe pritet të fillojë numërimi në orën 00:00.

NUMËROHEN KUTITE E PARA NË HAS
Ora 23:35-Janë numëruar tre kutitë e para në Bashkinë e Hasit. Nga rezultatet e deri tanishme kandidati i ASHE ka marrë 395 ndërsa kandidati i APPD 432 vota. Në Has garojnë Elez Maci nga APPD dhe Adem Lala nga ASHE.

KZAZ 26 VORË, DORËZOHEN TË GJITHA KUTITË, PRITET FILLIMI I NUMËRIMIT
Ora 23:30- Në KZAZ 26 në Vorë bëhet me dije se ka përfunduar procesi i dorëzimit të kutive dhe brenda pak minutash pritet të nisë numërimi. Grupi i numëruesve bën me dije se nuk ka pasur incidente gjatë dorëzimit të kutive. Pjesëmarrja në këtë KZAZ është 56%. “Po plotësohet dokumentacioni i nevojshëm. Jemi gati për procesin e numërimit. Nuk janë konstatuar probleme dhe numërimi i votave do jetë transparent. Kontrollet janë kryer sipas procedurave ligjore dhe nuk është futur asnjë polic në KZAZ.”- u shpreh grupi i numëruesve.

NIS PROCESI I NUMËRIMIT TË VOTAVE NË POLIÇAN
Ora 23:20- Procesi i numërimit ka nisur edhe për bashkinë e Poliçanit.

(ed.me/m.k/ma.ar/a.n/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: