KAVAJË
Të shokuar nga ngjarja, prindërit e nxënësve të tjerë të shkollës 9-vjeçare “Rilindja” në Kavajë kanë vendosur të mos i lënë fëmijët asnjë minutë vetëm. Gazetarja Dorjana Bezat ka biseduar me prindërit të cilët kanë folur për “BalkanWeb” në lidhje me përdhunimin e 13-vjeçares nga disa djem minorenë.
Ata thanë se e kanë mësuar rastin vetëm kur u bë publik në media, ndërsa flasin fjalët më të mira për familjen e vajzës minorene.
“Jemi të shokuar nga ngjarja. Fëmijët nuk na kanë treguar çfarë ka ndodhur. Rastin e mësuam kur u bë publik. Nuk duhet të hidhet baltë mbi shkollën. Nuk ka faj shkolla. Ngjarja ka ndodhur jashtë”, kanë thënë ata.
Ndërkohë fëmijët kanë treguar tek prindërit se vajza e abuzuar nuk ka shfaqur asnjë shenjë të çuditshme. Me gjithë rastin e rëndë, në shkollën “Rilindja” mësimi ka vijuar rregullisht, por me masa sigurie të shtuara. Derës kryesore i është vënë dryni, ndërsa nxënësi shoqërohen nga prindërit në lëvizjet jashtë shkollës.
Banorët tregojnë se vajza ishte nxënëse e shkëlqyer. Vajza jeton me gjyshërit, 2 motrat dhe të ëmën. I ati prej disa vitesh kishte emigruar në Itali, por mori vesh ngjarjen ai është kthyer pranë familjes.
(m.k/BalkanWeb)
