SARANDË
Të tjera detaje bëhen të ditura nga operacioni i Policisë në qytetin e Sarandës. Gazetarja Shpresa Dine raportoi për “BalkanWeb” se efektivë të forcave speciale të maskuar kanë rrethuar një bllok banesash mbi rrugë nr. 5 në këtë qytet.
Mësohet se po vazhdon shoqërimi i anëtarëve të dyshuar të një grupi kriminal të trafikut të drogës. Burime nga policia pohuan se është hapur me forcë një portë, duke i rënë me vare në një banesë mbi rrugën nr.5. por nuk është gjetur personi i dyshuar brenda. Megjithatë po kontrollohet imtësisht banesa. Forcat Speciale po vijojnë operacionin në zonë tjetër.
Deri tani numri i të shoqëruarve është mbi 10. Në orët në vijim pritet që policia të ketë edhe informacion zyrtar mbi operacionin.
(BalkanWeb)