Nënkryetari i Partisë Demokratike Agron Gjekmarkaj ka komentuar gjuhën e përdorur nga kryeministri Edi Rama, ku e quan opozitën “kënetë” dhe kreun e PD “buf”.
I ftuar në “Kjo Javë” në News24, ai u shpreh se kjo është një përpjekje e kreut të qeverisë për të devijuar vëmendjen, ndërsa shtoi se PD ka programin konkret si aleat për të përmirësuar jetën e qytetarëve.
Gjekmarkaj theksoi se fokusi i opozitës është rritja e rrogave dhe pensioneve, si dhe krijimi i kushteve që të rinjtë dhe emigrantët të kthehen në Shqipëri, duke i ftuar ata që të rikthehen dhe jo të largohen.
“Mendon që batuta është aleati i tij, ndërsa ne kemi aleat programin, për rrogat dhe pensionet, që emigrantët të kthehen në Shqipëri, i fton të kthehen jo të ikin. Rama po përpiqet të gjejë diçka që do të devijojë vëmendjen”, tha ai.
(BalkanWeb)
