Një ortek në alpet franceze i ka marrë jetën katër skiatorëve norvegjezë, të cilët u rrëmbyen nga dëbora dhe akulli jashtë pistës në rajonin juglindor Savoie.
Viktimat norvegjeze ishin pjesë e një grupi prej shtatë skiatorësh të kapur nga orteku në Val-Cenis, në kufirin me Italinë.
Tre kanë vdekur në vendngjarje, ndërsa e katërta një grua ndërroi jetë në spitalin e Grenobles ku u dërgua pasi pësoi arrest kardiorespirator dhe hipotermi të rëndë, sipas deklaratës së zyrtarët në Savoie.
Tre të tjerë në grup kanë mbijetuar të padëmtuar.
“Ishte një ortek me përmasa të mëdha që u shkaktua jashtë zonës së skive”, shtoi kryetari i bashkisë së Val-Cenis, Jacques Arnoux.
Gjithashtu të mërkurën, një ortek pranë Chamonix, në rajonin Haute-Savoie, vrau një skiator zviceran, sipas zyrës së prokurorit publik në Bonneville.
(BalkanWeb)