Victor Osimhen  tha fjalët e para si lojtar Galatasaray, në intervistën e dhënë për faqen zyrtare të klubit.

“Kur dëgjova për interesimin e Galatasaray-t, ishte një vendim i lehtë për mua. E dija se sa i madh ishte si klub Galatasaray. Ka një numër të pabesueshëme tifozësh. Henry Onyekuru është miku im dhe ai ka luajtur për Galatasaray.

Kur zbrita në aeroport, tifozët më pritën me aq shumë emocione, saqë u ndjeva shumë i rëndësishëm për një lojtar. Dua të bëj gjithçka që mundem për ta, mezi pres të filloj” – tha ai.