Ish sulmuesi i Manchester Unitedit, Michael Owen, ka thënë se vendimi i Alexis Sanchez për të zgjedhur ekipin e Jose Mourinhos para Manchester City është i gabuar.

Këtë ai e parashikon në bazë të stilit të lojës që e aplikon Jose Mourinho, për dallim me Pep Guardiolan që aplikon taktikë më sulmuese.

“Nuk jam i bindur me Jose’n dhe mënyrën ngecjen e lojtarëve sulmues në urdhrat e tij. Nëse e shikon rrugëtimin e Pep Guardiolas, disa prej lojtarëve si Sterling janë përmirësuar, e ndjen që ata shkëlqejnë në udhëheqjen e tij”, tha Oëwen.
“Shikoni të gjithë talentet e sulmit që kishte Jose Mourinho ndër vite, mendoj se shumë pak prej tyre u bënë vërtetë lojtarë të nivelit botëror. Më shumë ka ndodhur e kundërta”, është shprehur ai.

Si Shembull, Owen e merr rastin e Anthony Martial, futbollist që ka dështuar të përmbushë pritshmëritë nën drejtimin e Jose Mourinhos.
(BalkanWeb)