Një avion pakistanez me 47 persona në bord është rrëzuar, vetëm pak momente pasi humbi kontaktet me kullën e kontrollit. Avioni ATR-42 i Linjës Ndërkombëtare të Pakistanit u zhduk pasi u nis nga rajoni verior Chitral.
Besohet se 2 fëmijë janë mes 37 pasagjerëve që ndodheshin në avion. Fluturimi ishte i planifikuar për brenda vendit, nga Chitral për në Islamabad, kur humbi kontaktin nga kontrollorët e trafikut ajror.
Zyrtarët thonë se ka pak gjasa të ketë të mbijetuar nga përplasja. Avioni humbi kontaktet me Tokën rreth orës 4.30 me orën lokale.
(e.f/BalkanWeb)