KORCË- Punimet për rrugën në Voskopojë kanë sjellë policinë në vendngjarje. S’ka pasur as sherr dhe as protesta, por rutinën e ka prishur një predhë e Luftës së Dytë Botërore e zbuluar gjatë gërmimeve.
Gazetarja Iris Rezhda raporton për “BalkanWeb” se pasi është zbuluar predha e përmasave të mëdha, është ndërprerë puna, e ka pasur panik në zonë.
Policia ndodhet aktualisht në vendngjarje dhe po punon për zhvendosjen e predhës.
(m.a/BalkanWeb)