Me seancën e fundit stërvitore në stadiumin e ndeshjes, Kristian Panuçi ka shuar edhe dyshimet e tij të fundit në lidhje me formacionin që do të zbresë në fushë nga minuta e parë për ndeshjen kundër Turqisë. Ashtu siç bëri në sfidat e fundit në Kupën e Kombeve tekniku nuk do t’i hyjë asnjë aventure të rrezikshme sulmuese dhe moduli 4-2-3-1 i jep kuqezinjve më shumë ekuilibër në prapavijë, por edhe mundësinë për të goditur me kundërsulme të shpejtë.

Formacioni 00319
Formacioni 00319

Panuçi e kishte projektuar formacionin që në ditën e fundit të grumbullimit në bregdetin e Durrësit, por seanca në “Loro Boriçi” i ka hequr dilemat mbi disa prej interpretuesëve, sidomos në mbrojtje. Në këtë mënyrë, përpara portës së Berishës do të rreshtohen Hysaj e Veseli në krahë, ndërsa në qendër Gjimshiti dhe Ismajli me këtë të fundit që ka fituar balotazhin me Ajetin.

54523314 2026505257448693 6581889376546979840 N
54523314 2026505257448693 6581889376546979840 N

Në mesfushë nuk ka ndryushime nga ajo që Panuçi kishte paralajmëruar që nga seanca e fundit stërvitore në grumbullimin e skuadrës kuqezi. Xhaka dhe i rikthyeri Abrashi japin grintë dhe forcë, ndërsa organizimi i aksioneve sulmuese do t’i besohet Memushaj.

54217423 2026504810782071 7163813752452677632 N
54217423 2026504810782071 7163813752452677632 N

Pasi alarmoi kuqezinjtë të mërkurën kur la përgjysmë seancën e paradites, Armando Sadiku do të zbresë në fushë nga minuta e parë, ndërsa sulmuesin e vetëm të deklaruar do ta ndihmojnë nga krahët Uzuni e Grezda, dy lojtarë të shpejtë dhe me aftësi teknike nga të cilët Kristian Panuçi pret shumë në ndeshjen e mbrëmjes së sotme.
(balkanweb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb