Papa Françesku diskutoi të mërkurën situatën në Ukrainë dhe përpjekjet për paqe me kryeministrin hungarez, sipas një deklarate zyrtare.

Papa priti Viktor Orban në Sekretariatin e Shtetit dhe takimi “u zhvillua në një atmosferë të përzemërt”, tha zyra e shtypit e Vatikanit.

“Gjatë dialogut, vëmendje e veçantë iu kushtua luftës në Ukrainë, duke u fokusuar në pasojat humanitare dhe përpjekjet për të promovuar paqen”, shtoi ai.

Papa Françesku dhe Orban shqyrtuan gjithashtu “disa tema me interes të përbashkët” si “presidenca hungareze e Këshillit të Bashkimit Evropian, roli qendror i familjes dhe mbrojtja e brezave të rinj”.

Orban në postimin në X tha: “Misioni i paqes vazhdon! Unë vizitova Atin e Shenjtë sepse ne duhet të kapim mundësinë për #paqe.”

(A.A/BalkanWeb)