Numri një i stolit të Partizanit, Orges Shehi dha një intervistë për faqen e klubit, menjëherë pasi u mbyllën përgatitjet për ndeshjen e turit kualifikues të Conference League ndaj maltezëve të Marsaxlokk.

“Jemi të kënaqur me atë që skuadra ka marrë dhe ka dhënë, sepse në fazë përgatitore dihet që lojtarët duhet të marrin ngarkesën e duhur e të arrijnë formën e duhur. Besoj se jemi gati për ndeshjen që do luajmë në Tiranë.

Faza përgjithësisht ka shkuar mirë. Lojtarët nuk kanë asnjë dëmtim. Kushtet kanë qenë shumë të mira. Kemi qëndruar 16-17 ditë dhe skuadra ka bërë maksimumin për t’u përgatitur për ndeshjet e Europës” – tha ai.

(J.S/BalkanWeb)