Kryeministri Edi Rama foli nga Durrësi për gazetarin Sokol Balla, i cili po e zhvillon emisionin “Real Story”, pranë rrënojave të tërmetit, në qytetit bregdetar.
Duke folur për ekipet e huaja që i kanë ardhur në ndihmë Shqipërisë në këto ditë të vështira, kreu i qeverisë tha për “News24” se të gjitha vendet kanë sjellë ajkën, dhe ekipet që janë stërvitur në operacione shumë të rrezikshme.
“Këtu ka ardhur ajka e Francës, e Kroacisë. Jemi në vendin ku vetëm para disa vitesh çoroditej krejt dynjaja vetëm për një përmbytje, këtu jemi në kushtet e një katastrofe. Është një “WAW” njësia franceze që ka ardhur këtu me mandat të Presidentit të Francës. Këtu është ajka. Ne kemi shumë për të bërë akoma. Kemi domosdoshmëri për të pasur më shumë nga të gjitha.
Këta miq do na ofrojnë atë që ne nuk do mund ta blinim dot, janë instrumente shumë të shtrenjtë. Ato dy orë që janë gjysmë zgjuar e gjysmë në gjumë, sepse jam mes njerëzve, gatishmëria është totale. Më shqetëson helmi i asaj pakice që rri në “Facebook” e shan, ndaloni o njerëz, ka një moment për të reflektuar. Nuk bëhen gjërat sa hap e mbyll sytë”, tha Rama.
Njerëzit kanë të afërmit e tyre nën gërmadha …
Ata nuk bëjnë pjesë tek ata që vijnë këtu e bëjnë sikur janë të prekur, ata janë më të mirëkuptuarit, më të mirët.
Më kujtohet Gërdeci, ju akuzuan se ju gjendet pranë ish-kryeministrit Berisha në atë kohë … por tani ju shoh ju vetëm, Presidenti shëtit vetëm, kryetari i PD po ashtu …
Unë nuk shoh kush shëtit, unë mundohem të lëviz sa më shpejt, të prek sa më shumë duar, të jap sa më shumë kurajo. Ndërkohë, që duhet të shoh planin për ndihmë. Më shumë ka godina të plasaritura sa ka punonjës gjithë shteti.
Ndërtesat këtu kanë rrëshqitje, çarje, njerëzit janë në panik, po largohen nga qytetet e prekur nga tërmeti …
Unë jam me mish e me shpirt, me gjithçka kam në çdo qelizë të trupit e mendjes, për t’iu dhënë ndihmë në këto momente të vështira. Nuk di çfarë bëjnë tjerët, se nuk kam pas kohë. Shqetësimi dhe paniku janë pjesë e kësaj faze, por ajo që është e sigurt është se ne do bëjmë më të mirën. Në Korçë njerëzit sot janë nëpër shtëpi, deri dje ishin nëpër tendera.
(BalkanWeb)
