Pas një përplasjeje të tensionuar midis presidentëve përkatës të kombeve, të dielën mbrëma u arrit një marrëveshje në lidhje me kthimin e qytetarëve të riatdhesuar në Kolumbi nga Shtetet e Bashkuara.

Konflikti pasoi më herët gjatë ditës pasi presidenti kolumbian Gustavo Petro bllokoi dy fluturime ushtarake amerikane që transportonin emigrantë pa dokumente që të hynin në vend.

Në një përgjigje hakmarrëse, presidenti i SHBA-së Donald Trump postoi kërcënime kundër Kolumbisë në platformën e tij të mediave sociale, duke pretenduar se vendimi i Petro “ka rrezikuar Sigurinë Kombëtare dhe Sigurinë Publike të Shteteve të Bashkuara”.

Trump deklaroi  në postimin e tij se ai urdhëroi administratën e tij të vendoste një tarifë urgjente prej 25% për mallrat që vijnë në Shtetet e Bashkuara nga Kolumbia dhe kërcënoi se do ta rriste atë brenda një jave në 50%.

Gjithashtu  administrata e tij do të lëshonte një ndalim udhëtimi dhe do të revokonte menjëherë vizat e zyrtarëve të qeverisë kolumbiane,  dhe më tej se do të lëshojë sanksione vizash për të gjithë anëtarët e partisë  anëtarët e familjes dhe mbështetësit e qeverisë kolumbiane.

“Këto masa janë vetëm fillimi”, tha Trump në postimin e tij në rrjetet e tij sociale.

Presidenti kolumbian  deklaroi herët në mëngjes në X, duke thënë se ai kundërshtoi uljen e avionëve të riatdhesimit ushtarak amerikan në Kolumbi megjithëse vendi do të pranonte avionë civilë që riatdhesonin qytetarët.

Presidenti kolumbian   ofroi të dërgonte avionin e tij presidencial për të sjellë të dëbuarit në Kolumbi në mënyrë “dinjitoze”.

Pas tensioneve ministri i Punëve të Jashtme theksoi  se një takim diplomatik i nivelit të lartë, midis SHBA-së dhe Kolumbisë do të zhvillohet brenda disa ditësh.

“Kolumbia  është e gatshme  të mbajë kanale diplomatike të dialogut për të garantuar të drejtat, interesin kombëtar dhe dinjitetin e qytetarëve tanë”, tha ai në një konferencë për shtyp.

(BalkanWeb)