TIRANE– Topa letre dhe shishe me ujë. Siç duket deputetët e opozitës nuk kanë të ndalur, ndërsa kërkojnë me ngulm largimin nga salla të kryeministrit Edi Rama.

Pasi seanca u ndërpre për dy herë radhazi, deputetët e opozitës janë ‘sulur’ të gjithë pranë foltores, ndërsa kanë nisur të hedhin sende në drejtim të poltronit të Ramës.

Garda ka ndërhyrë për të mbarëvajtur situatën, ndërsa kryetari i Kuvendit Gramoz Ruçi u detyrua që të ndërpresë për të tretën herë seancën. Kujtojmë se pas incidentit me miellin që u hodh në drejtim të Ramës, Ruçi përjashtoi nga salla deputetët e PD-së, Flamur Noka, Klevis Balliun dhe Ervin Salianjin.

(ed.me/BalkanWeb)