Kryeministri grek Kyriakos Mitsotakis tha këtë të diel se Turqia nuk duhet të përpiqet të bindë as Greqinë dhe as Europën, për një “pikëpamje tjetër” ndaj emigrantëve. Mitsotakis deklaroi se Turqia nuk duhet të përpiqet të detyrojë as Greqinë as Evropën në përpjekjet e saj për të marrë mbështetje për një plan për të rivendosur refugjatët sirianë në veri të Sirisë.


Turqia planifikon të rivendosë 1 milion refugjatë atje dhe mund të rihapë rrugën për migrantët në Evropë nëse nuk merr mbështetje të përshtatshme ndërkombëtare për planin, tha Presidenti Tayip Erdogan të enjten. “Erdogan duhet të kuptojë që ai nuk mund të kërcënojë Greqinë dhe Evropën në një përpjekje për të siguruar më shumë burime për të trajtuar çështjen e emigrantëve”, tha Mitsotakis në një konferencë shtypi në qytetin verior grek të Selanikut.


“Evropa ka dhënë shumë para, gjashtë miliardë euro vitet e fundit, brenda kornizës së një marrëveshje midis Evropës dhe Turqisë dhe e cila ishte e dobishme reciprokisht,” tha ai. Greqia, e cila ndan një kufi detar të gjatë me Turqinë, ishte një nga vendet e vijës së parë që merrte me mijëra refugjatë dhe migrantë në kulmin e krizës së migracionit. Në vitin 2015, mijëra njerëz vinin çdo ditë në brigjet greke.


Numrat u ulën në mënyrë dramatike pasi Bashkimi Evropian dhe Ankaraja zbatuan një marrëveshje në Mars 2016 për të ndërprerë fluksin, por ka pasur rritje të numit të refugjatëve në disa ishuj grekë, afër Turqisë. Në Greqi, [për një muaj afërsisht shkonin 7000 emigrantë. Vetë Turqia ka gati 4 milion sirianë. Sirianët janë ata që lëvizin më shumë nga vendi, për shkak të luftës në të cilën është përfshirë ky vend.

Kujtojmë se Mitsotakis ka deklaruar sot se Greqia nuk do të jetë dakord që Shqipëria të hapë negociatat me BE, pa respektuar minoritetin helen në vendin tonë.

(d.xh/Balkanweb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb