Jesy Nelson njoftoi të dielën se është shtatzënë me binjakë me muzikantin Zion Foster. Ylli i “Little Mix”, 33 vjeç, postoi një foto në Instagram ku tregon barkun e saj që po rritet duke zbuluar shtatzëninë.

Në foto, Jesy shihet me ish-partnerin e saj Zion, 26 vjeç, disa muaj pas raportimeve se ata ishin ndarë në shtator. Jesy zbuloi se po priste binjakë dhe tha se “po hante për tre”.

Jesy dhe Zion u lidhën për herë të parë në janar të vitit 2022, por lidhja e tyre pësoi një krizë në nëntor të vitit 2023, kur Jesy shprehu se shkak ishte diferenca e moshës prej nëntë vitesh. Çifti u ndanë për pak kohë, por u ribashkuan dhe më pas u ndanë përsëri pesë muaj më parë. Megjithatë, postimi i tyre i fundit, ku ndanin një foto së bashku, sugjeronte një mundësi ribashkimi, ndërsa njoftuan shtatzëninë e Jesy.

Spekulimet për ndarjen e tyre nisën në shtator, kur ata fshinë fotot e njëri-tjetrit nga mediat sociale. Ata u ndanë edhe verën e kaluar, për shkak  të moshës, por u ribashkuan më vonë. Së fundmi, ata punuan së bashku për disa këngë, njëra prej të cilave u publikua në gusht, ndërsa të tjera ende nuk janë publikuar.

(Balkan Web)