TIRANE

Presidenti i Republikës, Ilir Meta ka publikuar një status në rrjetin social “Facebook” pas takimit me eurodeputetin Knut Fleckeinstein.

Kreu i shtetit shqiptar shkruan mes tjerash se reformat e vërteta në fushë  e drejtësisë do të jenë tregues të çeljes së negociatave dhe anëtarësimit të Shqipërisë në BE.

“Pata kënaqësinë të takohesha me eurodeputetin, Knut Fleckenstein. Vetëm reformat e vërteta në fushën e sundimit të ligjit do të çojnë drejt çeljes së negociatave të anëtarësimit në Bashkimin Europian.”, shkruan Meta.

Detaje para takimit dhe mosdekretimi i Lleshit

Pas deklaratës së tij se nuk ishte në dijeni të arsyeve të mosdekretimit të Sandër Lleshit si ministër i Brendshëm nga presidenti, raportuesi për Shqipërinë në PE, Knut Fleckenstein po zhvillon një takim me Ilir Metën.

“BalkanWeb” mëson se takimi po mbahet në Presidencë.

Në një konferencë për mediat në Tiranë Fleckenstein tha pak orë më parë se BE dhe Shqipëria duan që të kenë një ministri të Brendshme funksionale, ndërsa ai tha se nuk është në dijeni të arsyeve se pse Meta nuk e dekreton Lleshin.

“Nuk do të guxoja të mbaja anë këtu, por kemi një interes të përbashkët. Shqipëria dhe BE kërkon që të kemi një ministri të Brendshme që të jetë funksional. Dhe kur themi funksionale them ministër. Presidenti nuk ishte i bindur plotësisht dhe sot dëgjova se qeveria do t’ja japë të njëjtin propozim sërish. Se di ca arsyesh ka presidenti. Nuk e di se cila është gjëja e mirë apo jo. I njoh këtë politikanë dhe shprehsoj se do të ketë një zgjidhje për këtë çështje”, tha ai.

Ndërkohë, sot kryeministri Edi Rama i dërgoi sërish Presidentit Meta propozimin për emërimin e Sandër Lleshi ministër i Brendshëm, ndërsa nuk dihet ende se si do shkojë debati për këtë çështje.
(ed.me/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb