Presidenti amerikan Donald Trump do të presë të enjten në Uashington Sekretarin e Përgjithshëm të NATO-s, Mark Rutte, ka njoftuar Shtëpia e Bardhë.

Rutte i ka kërkuar më parë presidentit ukrainas Volodymyr Zelenskyy që të rivendosë marrëdhëniet e tij me Trump pas përplasjes së tyre në Zyrën Ovale muajin e kaluar.

Rutte tregoi se i tha Zelenskyyt se “ne duhet të respektojmë atë që Presidenti Trump ka bërë deri më tani për Ukrainën”.

“Jam absolutisht i bindur se SHBA-ja dëshiron ta sjellë Ukrainën në këtë paqe të qëndrueshme”, tha ai për BBC.

Trump do të mirëpresë gjithashtu kryeministrin e Irlandës, Micheal Martin, në Shtëpinë e Bardhë të mërkurën.