TIRANE

PD i është përgjigjur përmes një deklarate zyrtare shpërndarë mediave, paralajmërimit të kryeministrit Edi Rama për ndalimin e lëvizjes së lirë të shqiptarëve. Në deklaratë, numri dy i partisë demokratike, Edmond Spaho shprehet se asgjë nuk do të mund të shpëtojë Ramë, ndërsa thekson se opozita është e palëkundur kundër pushtetit të tij.


“Pasi i la pa gjykata dhe drejtësi, Edi Rama sot i kërcënoi shqiptarët se do t’u heqë lirinë për të lëvizur nëpër botë, të cilën e fituan pas shumë vuajtjesh e sakrificash.


Polici, gazlotjellës, dhunë, kërcënime frikësim, përçarje dhe nxitje të vëllavrasjes. Këto janë mjetet me të cilat Edi Rama po përpiqet të ruajë pushtetin dhe paratë që ka vjedhur.


Nuk do ta shpëtojë dot asgjë. Opozita është e palëkundër kundër pushtetit të tij kriminal dhe shqiptarët janë të vendosur për të mbrojtur demokracinë dhe për të ndëshkuar politikanët e lidhur me krimin.” – shprehet Spaho.

(BalkanWeb)