TIRANË– Përfshihet nga zjarri një lokal në zonën e Kombinatit në kryeqytet. Ngjarja ka ndodhur rreth orës 00:30 në rrugën ‘Besim Alla’.

Mësohet se zjarri është i përmasave të mëdha, ndërsa ende nuk dihen shkaqet. Forca të shumta policie dhe shërbimi zjarrfikës kanë mbërritur në vendngjarje.

Shërbimi zjarrfikës po punon për neutralizimin e flakëve, ndërsa ende nuk dihet nëse ka persona të lënduar si pasojë e zjarrit. Mësohet se në vendngjarje janë nisur dhe dy autoambulanca.

(d.d/BalkanWeb)