Elon Musk hap një front të ri sulmesh edhe me Kanadanë, duke iu përgjigjur agresivisht deklaratës së Justin Trudeau, i cili hodhi poshtë kategorikisht axhendën e promovuar nga Donald Trump, për ta bërë vendin e tij shtetin e 51-të të SHBA-së.
Në deklaratën e e tij Justin Trudeau, tha se Kanadaja nuk do të bëhet pjesë e SHBA-së. Por Elon Musk përdori argumentet morale negative, duke dashur të degradojë kryeministrin kanadez.
“Vajzë, ti nuk je më guvernator i Kanadasë, kështu që nuk ka rëndësi se çfarë thua,” i është përgjigjur ai në postimin e tij në X, duke dashur ta barazojë atë me një guvernator të një shteti amerikan dhe të minimizojë fjalët e tij, teksa ai njoftoi dorëheqjen nga kryeministria.
Girl, you’re not the governor of Canada anymore, so doesn’t matter what you say
— Elon Musk (@elonmusk) January 8, 2025
Nga ana tjetër Justin Trudeau theksoi ndër të tjera se “nuk ka as më të voglin mundësi që Kanadaja të bëhet pjesë e Shteteve të Bashkuara. Punëtorët dhe komunitetet në të dyja vendet tona përfitojnë nga të qenit partneri më i madh tregtar dhe i sigurisë i njëri-tjetrit”.
There isn’t a snowball’s chance in hell that Canada would become part of the United States.
Workers and communities in both our countries benefit from being each other’s biggest trading and security partner.
— Justin Trudeau (@JustinTrudeau) January 7, 2025
Përgjigja e Elon Musk vjen pas sfidave të shumta të Donald Trump, i cili menjëherë pas shpalljes së dorëheqjes të Trudeau, përsëriti komentin se Kanadaja u bë shteti i 51-të, ndërsa më pas publikoi hartat ku kufijtë e dy vendeve janë zhdukur.
(BalkanWeb)
