Në një njoftim emocionues që gëzoi fansat në të gjithë botën, këngëtarja dhe aktorja Selena Gomez ka zbuluar fejesën e saj me producentin muzikor Benny Blanco.
Lajmi u postua në Instagram, ku Gomez ndau disa foto ku shfaqej buzëqeshja e saj rrezatuese dhe një unazë mahnitëse fejese.
“Përgjithmonë fillon tani”, -i mbishkroi ajo fotot.
Blanco, i njohur për punën e tij të jashtëzakonshme në industrinë e muzikës, i është përgjigjur postimit me një koment po aq të ëmbël, “Hej prit… kjo është gruaja ime”!
Tashmë të gjithë presin një datë për dasmën.
Çifti, i cili filloi lidhjen në fund të vitit 2023, janë shfaqur gjithmonë të lumtur. Rrugëtimi i tyre romantik filloi me bashkëpunimin profesional në këngën “I Can’t Get Enough” në vitin 2019 dhe vazhdoi me këngën e Gomez të vitit 2023 “Single Soon”, ku kimia e tyre ishte e pamohueshme.
Miqtë dhe fansat vërshuan rrjetet sociale me urime. Të famshëm si Jennifer Aniston, Cardi B dhe Lil Nas X ishin ndër të parët që dërguan urimet e tyre për çiftin.
