Interi arriti të dilte me fitore nga sfida e fundit e javës së 36-të në Serinë A italiane, teksa mundi 2-0 Kievon, brenda në “San Siro”.
Përballë një kundërshtari tashmë të rënë nga elita e futbollit, zikaltrit e Spaletit ishin dominues që nga minuta e parë. Gjithsesi, sfida u zhbllokua vetëm në minutën e 39-të nga një goditje me të majtë brenda zone e Politanos.
Në të dytën, gjithçka u bë më e vështirë për Kievon, teksa Rigoni u ndëshkua me të dytin e verdhë dhe la ekipin me 10 vetë. Perisiç i vuri vulën takimit, me golin në minutën e 86-të, pas një topi që u përplas në shtyllë dhe shkoi te këmbët i tij.
Me këtë fitore, Interi ringjitet në vendin e tretë, me 66 pikë, një më shumë se Atalanta, dhe 4 më shumë se Milani.
FT | Inter-Kievo 2-0
GOL: Politano 39′, Perisiç 86′ /
FORMACIONET
Inter: Handanoviç; Sedrik, Shkriniar, Miranda, Asamoah; Vesino, Borha Valero; Politano, Naingolan, Perisiç; Ikardi. Trajner. Spaleti.
Kievo: Semper; Tomoviç, Sesar, Bani; Depaoli, Rigoni, Hetemaj, Leris; Vinjato; Stepinski, Grubac. Trajner: Di Carlo.
Panoramasport