BRAZIL 


Së paku 40 të burgosur u gjetën të vdekur në disa burgje në veri të Brazilit, një ditë pasi 15 të burgosur u vranë në përleshjet midis bandave rivale në burg. Vdekjet e fundit që u raportuan në qytetin Manaus të Amazonës, duket se janë rezultat i asfiksimit, thanë autoritetet.


Sipas tyre, stafi i zbuloi viktimat gjatë inspektimeve rutinore në katër objekte të burgjeve të ndryshme. Një deklaratë nga Departamenti i Burgjeve në Amazona tha se 40 të burgosurit vdiqën të hënën vonë, kur policia humbi kontrollin e burgjeve. Policia më vonë e riktheu kontrollin.


Guvernatori lokal, Ëilson Lima, e përshkroi situatën si “krizë”. Autoritetet dërguan një task forcë federale në Manaus, në përpjekje për të ndaluar dhunën. Presidenti i Brazilit, Jair Bolsonaro, u zotua se do të rifitojë kontrollin e burgjeve dhe tha se do të ndërtojë edhe më shumë burgje.

(Balkanweb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb