Një aksident me dy të plagosur ka ndodhur pak minuta më parë në aksin rrugor Fier-Seman. Nga të dhënat nga vendi i ngjarjes bëjnë me dije se një automjet ka goditur një tjetër nga pas.

Si pasoje e goditjes është plagosur drejtues mjeti dhe një pasagjere. Burime nga policia pohojnë se te plagosurit janë në urgjencën e spitalit ku po marrin ndihmën mjekësore. Një grua ka marr mjekim dhe është larguar ndërsa drejtuesi i mjetit është pak me rëndë por jashtë rrezikut për jetën.

” Rreth orës 10:50, në aksin rrugor “Fier-Seman”, automjeti tip “Benz” me drejtues shtetasin B. S., 58 vjeç, është përplasur me automjetin me drejtues shtetasin R. S., 56 vjeç. Për pasojë është dëmtuar shtetasi R. S. dhe pasagjerja në automjetin tip “Benz”, shtetasja F. Ll., 56 vjeçe, të cilët ndodhen në spital, në kujdesin e mjekëve. Grupi hetimor po punon për zbardhjen e shkakut të aksidentit”, sqaroi policia.