KAVAJE

Kreu i Bashkisë së Kavajës, Isa Sakja ka reaguar përmes një postimi në facebook, lidhur me një projekt të ri që synon krimijimin e një harte të re gjyqësore, e që sipas tij, parashikon mbylljen e disa gjykatave, midis të cilave edhe gjykatën e rrethit Gjyqësor në Kavajë.

Në postimin e tij Sakja shkruan se gjykata e Kavajës do të shkrihet dhe se gjykatë kompetente do të jetë më pas Gjykata e Durrësit. Për kreun e bashkisë së Kavajës, ky është projekti i fundit kriminal i qeverisë Rama i marrë pa asnjë studim e që do të rëndojë më shumë mbi qytetarët.

“Gjykata e rrethit gjyqësor Kavajë ka një volum të madh pune me mbi 2500 cështje të trajtuara në një vit, por kjo nuk e pengoi qeverine ta mbyllë atë. Ky projekt është në vazhdën e disa pseudoreformave të kesaj Qeverie kundër qytetarëve të Kavajës, duke i larguar të gjitha shërbimet pranë qytetarëve dhe duke i endur ata nëpër qytete të tjera midis Durrësit dhe Tiranës sic është bërë me Drejtorinë Rajonale të Tatim Taksave, me atë Arsimore, atë të Shëndetësisë, Prefekturës, etj…

Ky projekt i fundit kriminal i kësaj Qeverie do tëthote kosto shtesë për qytetarët e Bashkisë së Kavajës, anomali ne ushtrimin e detyrës së tyre fisnike të dhjetera Avokatëve të nderuar të qytetit tonë dhe shkon në kah të kundërt me frymën kushtetuese të dhënies së drejtesisë, e cila ka në thelb të saj aksesin e qytetarëve në institucionet e Drejtësisë sa më afër tyre duke i shërbyer me korrektesë, në kohë dhe në mënyrë të pavarur.” -shkruan Sakja ndërsa thekson se në cilësinë e kreut të Bashkisë së Kavajës, do të bëj gjithçka për të ndaluar këtë projekt kriminal.

“Një vendim i tillë eshte marre pa u bere nje studim i detajuar per efiçencen e kesaj Gjykate nder me te vjetrat ne Shqiperi, pa u konsultuar me grupet e interesit, ne shperfillje te mendimit te organeve te pushtetit lokal dhe pa marre parasysh pasojat negative qe nje vendim i tille do te kete per qytetaret.

Ne cilesine e kryetarit te Bashkise se Kavajes do te bej gjithcka me autoritetin qe me jep ligji, qe se bashku me Ju te nderuar banore te bashkise se zgjeruar Kavaje, ne konsultim dhe bashkeveprim te gjere me ju, te ndalojme kete projekt kriminal qe eshte kunder interesit te qytetareve te nderuar te Bashkise Kavaje.” përfundon Sakja reagimin e tij.

Ndërsa në një postim të mëvonshëm, Sakja kërkon firmat e qytetarëve në Kavajë.për të firmosur peticionin kundër këtij projekti.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb