SPAK i ka dhënë një goditje të fortë njërës prej bandave më të rrezikshme në qytetin e Elbasanit, por që operonte dhe në tregjet ndërkombëtare të drogës. Behet fjalë për bandën që drejtohej nga Suel Çela, i njohur ndryshe dhe me emrin Marjus Lulaj.
Në prangat e megaoperacionit të SPAK kanë rënë vëllezërit, Marsel dhe Xhino Roka, të cilët kishin poste të rëndësishme në hierarkinë e bandës së Suel Çelës. Burime nga SPAK bëjnë me dije se Xhino dhe Marsel Roka janë vëllezërit e Adelajda Rokës, e cila u emëruar në krye të Agjencisë së Zhvillimit të Territorit, rreth një vite më parë.
Të arrestuarit nga SPAK, Xhino dhe Marsel Roka
Kjo është një ndër agjencinë më të rëndësishme të institucioneve shtetërore dhe është përgjegjëse për dhënien e lejeve të ndërtimit në territorin e Shqipërisë.
Adelajda Roka, drejtore e Agjencisë së Zhvillimit të Territorit
Në njoftimin e SPAK thuhet se: “Shtetasi Marsel Lulaj (alias Suel Çela.) është identifikuar si drejtuesi i organizatës, përgjegjës për menaxhimin dhe koordinimin e aktiviteteve kriminale, përfshirë vrasjet, trafikimin ndërkombëtar të drogës, kryerjen e veprimeve korruptive dhe organizimin e skemave të pastrimit të parave. Ndërkohë disa nga anëtarët me role kyçe si; Mario Çela. Fuad Verzivolli, Bujar Shega, Klaus Matishi (alias Klaus Çopja alias Kledjan Çopja), Xhino Roka.etj ishin pjesë operative e organizatës, të angazhuar në planifikimin dhe ekzekutimin e veprave të rënda penale, përfshirë vrasje me paramendim dhe trafikun e narkotikëve”..
Rrjeti i trafikut ndërkombëtar të kokainës
Organizata ka zbatuar një skemë komplekse të mbyllur të trafikut të kokainës nga Amerika Latine drejt vendeve të Europës duke bashkuar me grupe të ndryshme kriminale me lidhje të forta në Amerikën Latine. Organizata e porosiste lëndën narkotike nga grupe të strukturuara kriminale shqiptare të lidhur me grupe kriminale vendase në Amerikën Latine.
Më pas, sasia e lëndës narkotike transportohej e fshehur në produkte të ligjshme dhe tranzitohej në disa porte europiane me destinacion shtetet si; Gjermania, Mbretëria e Bashkuar, Italia, Belgjika dhe Holanda, nga ku nxirrej, trafikohej dhe shitej me shumicë nga anëtarët e organizatës në tregun e narkotikëve në Evropë. Pjesa më e madhe e ngarkesave lëvizte me kontejnerë në porte të mëdha si Antverp, Roterdam etj., të cilët shpesh shërbenin si pika kyçe për trafikun e saj në tregun evropian. Gjithashtu ka pasur tentativa për të kryer transport të lëndëve narkotike përmes aeroporteve të Belgjikës dhe Holandës.
Një pjesë e të ardhurave nga ky aktivitet kriminal investohej:
Në blerjen e lëndës narkotike
Në gjendje cash-i në Shqipëri
Në biznese në dukje të rregullt
Për të mbështetur infrastrukturën operative të organizatës dhe blerje influence në segmente të veçanta të sistemit të drejtësisë, policisë, medias dhe biznesit
Arrest me burg
Marjus Lulaj (alias Suel Çela)
Mario Çela
Xhino Roka
Klaus Matishi (alias Klaus Çopja alias Kledjan Çopja)
Sergej Hasanpapaj
Bruno Hazizolli
Ledio Zabeli
Marsel Roka
Ado Xhika (alias Elkier Cerriku alias Ado Cerriku)
Preke Kodra
Fuad Verzivolli
Metin Mehjam
Renato Hasani
Skender Sufaj
Pajtime Fetau
Dedan Gjoni
Marsel Shega (alias Bujar Shega)
Hajdar Lala (alias Hajdar Xaka alias Hajdar Sefa)
Arrest shtëpie
Blerina Beqiri
Detyrim paraqitje
Elton Qyno
Artan Hoxha
(BalkanWeb)
