Në emisionin “Kjo Javë” në News24 ishte i ftuar gazetari Osman Stafa, i cili u ndal në nismën ‘Po t’vjen një kartolinë’, përmes së cilës janë bërë të lumtur 2000 mijë fëmijë të zonave rurale.

Por gjatë rrëfimit, gazetari Stafa u përlot në momentin kur pyetet për arritjet, ndërsa shprehet se kjo nismë është një ndër amanetet që ai ka nga babai i tij.

Osman Stafa: Besoj se për gjërat që bëj, babai im do të ndihet krenar! Edhe stafi më ndihmon, presim që të bëjmë dhurata për 200 fëmijë jetimë në Elbasan, presim të plotësojmë dhurata për fëmijët që vuajnë nga leucemia dhe po ashtu do të mblidhen dhurata për fëmijët e Pediatrisë në Elbasan.

Fëmijët janë më të bukurit e botës e meritojnë ta jetojnë fëmijërinë e tyre ashtu siç duhet.

• “Po t’vjen një kartolinë”, nisma e gazetarit Osman Stafa, që ka bërë të lumtur 2000 fëmijë të fshatrave të Shqipërisë