Policia franceze arrestoi tre persona të hënën pasi pesë arkivole bosh të mbështjellë me flamuj francezë me fjalët “ushtarë francezë nga Ukraina ” të shkruara mbi to u gjetën pranë Kullës Eiffel të shtunën.

Prokurorët publikë kanë kërkuar që të tre personat, të cilët janë nga Bullgaria, Gjermania dhe Ukraina dhe të gjithë të moshës nën 30 vjeç, të akuzohen për dhunë me paramendim.

Prokurorët thanë se lënia e arkivolëve në këmbët e Kullës Eifel ishte një akt dhune psikologjike.

Franca së shpejti mund të dërgojë ushtaraë në Ukrainë, pavarësisht shqetësimeve të disa aleatëve dhe kritikave nga Rusia, thanë burime diplomatike Reuters javën e kaluar.

E përditshmja franceze Le Monde , duke cituar dokumente sigurie, raportoi se tre burrat kishin qenë në kontakt me një burrë të dyshuar se kishte spërkatur me bojë të kuqe në Memorialin e Parisit Shoah, një muze i Holokaustit, në mes të majit.

Në nëntor, prokurorët francezë hapën një hetim nëse dy moldavë që pranuan se kishin lyer Yjet e Davidit në muret e pronave pariziane, e bënë këtë me urdhër të dikujt jashtë vendit.

Pas raportimeve të lajmeve për moldavët që drejtoheshin nga një individ në Rusi, zyra e prokurorit tha se dikush nga jashtë kishte komunikuar nëpërmjet telefonit me të dy në rusisht.

(A.A/BalkanWeb)