SHKODËR
Ky është momenti kur kryeministri Edi Rama kalon Urën e Spatharit në Vaun e Dejës për të shkuar në Shkodër e Malësi të Madhe ku do të zhvillojë një aktivitet në kuadër të turit “Bashkia që duam”.
Policia ka larguar protestuesit që kishin zënë rrugën për të lejuar eskortën e kryeministrit Rama të kalonte dhe të vijonte drejt Shkodrës e më pas Malësisë së Madhe.
Ndërkohë, të tjerë protestues kishin dalë në urën e Bahcallëkut ku kanë djegur edhe goma për të mos lejuar kryeministrin. Policia ka shuar zjarret dhe protestuesit janë shpërndarë.
AXHENDA E KRYEMINISTRIT
Ora 11:00- Inspektim i punimeve të sheshit të Bajzës
0ra 11:30- Inspektim i Fermës Kosan (prodhim i bimëve medicinale) dhe takim me banorët e Malësisë së Madhe
Ora 13:00- Inspektim i punimeve të Gjimnazit “Sherif Hoxha” dhe shkollës “Abdyl Bajraktari” në Koplik
Ora 13:30- Drekë me prodhuesit e zonës në Vrakë
Ora 16:00- Inspektim i zyrave të ADISA Shkodër
Ora 16:30- Inspektim i punimeve të godinës së Universitetit “Luigj Gurakuqi” Shkodër
Ora 17:00- Eventi i “Bashkia që duam”, sheshi para Teatrit Migjeni.
(BalkanWeb)
