FIER

Policia e Fierit ka sekuestruar 57 kg kanabis, 1 armë zjarri dhe municion luftarak, ndërsa ka vënë në pranga dy persona. Burime zyrtare bënë me dije se në kuadër të operacionit të koduar ‘Cakrani’, u kapën shtetasit me inicialet N. D., 61 vjeç, dhe J. D., 47 vjeç, të dy banues në Cakran.

Gjithashtu u bë shpallja në kërkim e shtetasve: M. D., 38 vjeç dhe D.D., 24 vjeç.

Nga kontrolli i ushtruar në banesat e tyre në fshatin Cakran, Policia gjeti dhe sekuestroi në cilësinë e provës materiale rreth 57 kg lëndë narkotike. Materialet i kaluan Prokurorisë pranë Gjykatës së Shkallës Parë Fier.
(ed.me/BalkanWeb)