BRAZIL
Policia speciale në Sao Paolo ka arritur të parandalojë një grabitje masive të bankomatëve në periferi të qytetit, duke vrarë 11 nga 25 grabitësit e armatosur.
Anëtarët e grupit të grabitësve ishin të armatosur me armë të kalibrit të rëndë, kurse kishin veshur edhe jelekë antiplumbë. Ata po tentonin të vidhnin bankomatët, duke i shpërthyer me eksplozivë, shkruan “The Guardian”.
Përpos 11 të vrarëve, 2 grabitës u arrestuan. Ata nuk mundën të vjedhin asnjë para. Njëra prej bankave ishte shumë afër stacionit të policisë. “Këta kriminelë grabitës ishin përgatitur për luftë”, tha Alvaro Batista Camilo, kreu i policisë së shtetit të Sao Paulo.
Përleshja e armatosur ndodhi në qytetin e Guararemës, 60 km larg qendrës së Sao Paolos. Policia ndoqi grabitësit dhe u përlesh me ta.
Pavarësisht se grabitësit mbajtën peng disa banorë me qëllim që të mos sulmohen nga policia, ata nuk mundën të shpëtojnë dot. Asnjë polic nuk u plagos në operacion.
(d.xh/ BalkanWeb)
