Anëtarët e NATO-s Polonia, Lituania Letonia dhe Estonia planifikojnë të tërhiqen nga konventa e Otavës që ndalon minat kundër personit për shkak të kërcënimit ushtarak nga fqinji i tyre Rusia, sipas një deklarate nga të katërta vendet.
Dalja nga traktati i vitit 1997, i cili është ratifikuar ose aderuar nga më shumë se 160 vende, por jo nga Rusia, do t’i lejojë Polonisë dhe tre vendeve baltike të fillojnë përsëri grumbullimin e minave tokësore.
“Kërcënimet ushtarake ndaj vendeve anëtare të NATO-s në kufi me Rusinë dhe Bjellorusinë janë rritur ndjeshëm. Me këtë vendim ne po dërgojmë një mesazh të qartë se vendet tona janë të përgatitura dhe mund të përdorin çdo masë të nevojshme për të mbrojtur nevojat tona të sigurisë”. thanë ministrat e mbrojtjes të vendeve në një deklaratë të përbashkët.
Finlanda deklaroi në dhjetor se po konsideronte gjithashtu tërheqjen nga marrëveshja ndërkombëtare, për shkak të përdorimit të armëve të tilla nga Rusia në Ukrainë.
(BalkanWeb)
