Shërbimet polake të sigurisë kanë neutralizuar një operacion sabotues të orkestruar nga Rusia dhe Bjellorusia për të destabilizuar Poloninë, tha zëvendëskryeministri Krzysztof Gawkowski, më 9 shtator.

Varshava vazhdimisht e ka akuzuar Moskën se tenton ta destabilizojë Poloninë për shkak të rolit të saj në ndihmën ushtarake që i jep Ukrainës fqinje, akuza që mohohen nga Rusia.

Sabotuesit, duke operuar nga Bjellorusia në bashkëpunim me Rusinë, kishin depërtuar në institucionet lokale dhe të Qeverisë qendrore, përfshirë në kompanitë në pronësi të shtetit që zbatojnë kontrata ushtarake, tha ai.

“Shërbimet e huaja ruse dhe bjelloruse… kishin një qëllim specifik: të merrnin informacione, të shantazhonin individë dhe institucione dhe të kryenin një luftë de facto kibernetike”, tha Gawkowski, i cili po ashtu është ministër i Çështjeve Digjitale.

Gawkowski tha se sulmet kibernetike në Poloni janë dyfishuar që nga viti i kaluar.